1914

Vun Wikipedia

1914 (MCMXIV).

Inholtsverteken 1 Wat passeert is 1.1 Eerste Weltkrieg 1.2 Wat sunst noch passeert is 2 Boren 3 Storven

[Ännern] Wat passeert is

[Ännern] Eerste Weltkrieg

• 28. Juni: Franz Ferdinand, Arzhertog vun Österriek un den öösterrieksch-ungaarschen Thron sien Arv, warrt in Sarajewo ümbröcht vun Gavrilo Princip, en Bosnisch- serbschen Studenten.
• 23. Juli: Öösterriek- Ungarn stellt en Ultimatum an Serbien
• 28. Juli: Öösterriek-Ungarn verklaart Serbien den Krieg, de Eerste Weltkrieg geiht dor mit los
• 30. Juli: Russland maakt all sien Truppen mobil
• 1. August: Dat Düütsche Riek verklaart den Krieg an Russland. De düütschen Truppen maakt mobil. Ok Frankriek geiht bi un maakt sien Truppen mobil
• 3. August: De Düütschen marscheert in Belgien in. Dat Düütsche Riek verklaart Krieg an Frankriek
• 4. August: Grootbritannien verklaart Krieg an Düütschland. Dor sünd all Grootmächten in Europa mit in den Kriegstostand, bloß Italien nich. De düütsche Rieksdag seggt Ja to de Kriegskrediten
• 7. August: Öösterriek-Ungarn verklaart Krieg an Russland. Serbien verklaart Krieg an dat Düütsche Riek un Montenegro verklaart Krieg an Öösterriek-Ungarn
• 11. August: Frankriek verklaart Krieg an Öösterriek-Ungarn
• 26. August: De düütsche Kolonie Togo warrt vun franzöösche un engelsche Truppen innahmen
• 28. August: Bi de Seeslacht vör Helgoland versenkt de Briten dree lüttje düütsche Krüzer un een Torpedoboot un verleert süms nich een Schipp
• 29. August: De düütsche Kolonie Samoa warrt vun britisch Truppen innahmen
• 31. August: Ünner jem ehren Feldmarschall Hindenburg slaht de düütschen Truppen de russisch Armee in de Slacht bi Tannenberg
• 11. September: Australien marscheert in Neepommern in dat Bismarck-Archipel in un kriggt de düütschen Truppen ünner
• 22. September: De düütsche Seeheld Otto Weddigen versenkt mit sien U-Boot U9 in de Noordsee dree engelsche Panzerkrüzer
• 1. November: Russland verklaart Krieg an dat Osmaansche Riek
• 2. November: Serbien verklaart Krieg an dat Osmaansche Riek
• 5. November: Grootbritannien annekteert in’n Eersten Weltkrieg de Insel Zypern.
• 7. November: japaansche Truppen nehmt in China den düütschen Stützpunkt Tsingtao in
• 11. November: In de Slacht vun Langemarck fallt bi 80.000 düütsche Suldaten
• 8. Dezember: De düütsche Oostasienflott warrt in de Slacht bi de Falklandinseln toschannen maakt
• 18. Dezember: De Briten nehmt de Herrschup in Ägypten öber

[Ännern] Wat sunst noch passeert is

• 15. August: De Panamakanal warrt openmaakt
• 3. September: Benedikt XV. warrt Paapst
• 10. Oktober: Ferdinand I. warrt nee König vun Rumänien
• 4. Dezember: Pancho Villa, Baas vun de upsternaatschen Mexikaners treckt mit sien Truppen in de Hööftstadt Mexiko-Stadt in

[Ännern] Boren

• 27. Juli: Giuseppe Baldo, italieensch Footballspeler († 2007)
• 5. Dezember: Hans Hellmut Kirst, düütsch Schriever († 1989)
• 14. Dezember: Karl Carstens, ehemalger Bunnspräsident vun’d Bunnsrepubliek Düütschland († 1992)

[Ännern] Storven

• 31. März: Christian Morgenstern, düütsch Schriever un Dichter (* 1871)
• 28. Juni: Franz Ferdinand, Arzhertog vun Österriek (* 1863)
• 26. September: Hermann Löns, düütsch Schriever (* 1866)
• 10. Oktober: Carol I., König vun Rumänien ut dat Huus Hohenzollern