Aristoteles
Vun Wikipedia
Aristoteles (greeksch Αριστοτέλης, *384 v. Chr. in Stageira / Makedonien, † 322 v. Chr. in Chalkis / Euböa) weer en greeksch Philosoph, de för de Naturwetenschapen un anner Saken bannig wichtig weer.
384 v. Chr. warr Aristoteles in Stageira as Söhn vun en Arzt an de Hoff vun de König Amyntas vun Makedonien geboren. Fröh starven siene Öllern. 367 v. Chr., mit 17 Johr, gung Aristoteles to Platon sien Akademie in Athen.
347 v. Chr. starv Platon. Aristoteles gung an'n Hoff vun Hermias, de Herrscher vun Atarneus in Kleenasien. Vun 342 v. Chr. bet 336 v. Chr. geev Aristoteles Unnerricht bi Alexander de Grote.
335 v. Chr. gung Aristoteles trüch noh Athen un gründ't hier sien egen School, dat Lykeion (later ok Peripatos genannt).
Sien Indelen vun de Wetenschapen weer in drie Deelen, de theoretisch, de praktisch un de poietisch Wetenschapen.
Aristoteles weer een vun de wichtigste antike Philosophen. Siene Philosophie weer realistisch, wat en Tegensatt to de idealistisch Philosophie vun Platon weer.
Aristoteles weer en vun de wichtigste Mannen in de Historie vun de Wetenschapen.
