Natronlaug

Vun Wikipedia

De Natronlaug is de Laug, de rutkümmt, wenn een Natriumhydroxid (NaOH) in Water oplöst.

Dat Natriumhydroxid deelt sick op in dat Na⁺-Ion un dat Hydroxid-Ion OH^-.

Dat Hydroxid-Ion is denn de Base, de Protonens antrecken un opnehm kann.

Natronlaug is een starke Laug. Een konzentreerte Natronlaug hett in een Liter Laug 762 g Natriumhydroxid binnen. De Dicht is denn 1,524 g/ml.

Een Natronlaug, de een Mol Natriumhydroxid (40 g) binnen hett , de hett een pH-Wert vun 14.

Natronlaug ward faaken bruukt in Labor, Handwark un Industrie. Konzentreerte Natronlaug ätzt bannig un löst Fett op dör Verseepung. Se kann - suutje, dat een eers gornix markt - een Lock in de Huut ätzen. Bi dat Hanteern mutt een jümmers een Schutzbrill ophebbeb. Sülvs bannig verdünnte Natronlaug kann de Oogen tweimooken dat dat to Blindheet kümmt.

Natronlaug ward tomeist dör Elektrolyse vun smolten Natriumchlorid, wat uns Kocksalt is, produzeert. Dorbi fallt ook Chlor an, wat denn för de Chlorchemie bruukt ward.