Toledo
Vun Wikipedia
Toledo is ene spaansche Stadt mit 77.600 Inwahners (Stand: 2006. Se liggt 70 km südlich van Madrid up enen Felsen, de na dree Sieten steil na den Stroom Tajo affallt. Vele gotisch-maurische Bowarken wiest trüch in Toledos rieke vergahne Tieden: de mächtige maurische Alcázar (in’n spaanschen Börgerkrieg en Zentrum van de natschonalen Verdedigers), de ehrmalige Moschee, de Alcántara-Brügg över den Tajo, de Kathedraal.
Tosommen mit Segovia un Ávila hörrt se to de dree histoorsch Metropolen in de Ümgegend vun Madrid.
192 v. Chr. weer Toledo ene röömsche Stadt, van 576 bit 711 de Hööftstadt van dat westgotische Riek, darna bit 1087 maurisch un bit 1559 de Residenz van de spaanschen Könige. As König Felipe II. de Residenz na Madrid verleeg, weer’t mit de Glanztiet van Toledo vörbi.
