Паоло Веронезе

Од Википедија, слободна енциклопедија

Гозбата во Левиевата куќа (1573), едно од најголемите платна од XVI век. Содржината на сликава довела до истрага од страна на Инквизицијата.

Семејството на Дариј пред Александар

Паоло Веронезе (италијански: Paolo Veronese), (1528 – 19 април 1588) бил важен венецијански ренесансен сликар. Родено име му било Паоло Каљиари или Паоло Калиари (Paolo Cagliari или Paolo Caliari). Го завикале „Веронезе“ бидејќи родум бил од Верона.

Како младич, Веронезе учел кај локалните венецијански уметници како Џовани Франческо Карото. Потоа за кратко се преселил во Мантова во 1548 (каде насликал фрески во главната катедрала, Дуомо) пред да се врати во Венеција и да ја започне својата плодна кариера.

Веронезе, Тицијан и Тинторето сочинуваат триумвират од најважните венецијански сликари од доцната Ренесанса (1500-ти). Веронезе е познат акко врвен колорист, како и по своите илузии во фреска и во масло. Највеќето негови дела се комплексни наративни виклуси, изведени во драматичен и разнобоен маниристички стил, полн грандиозни архитектонски окружувања и блескави свечени призори. Особено исклучителни се неговите големи слики на библиски гозби насликани за трпезарии во манастири во Венеција и Верона. Неговото кратко искуство со Инквизицијата често се споменува како увид во сликарските методи и тематики во тоа време.

Сликал и олтари, слики на митолошки теми и портрети. Во цикулација се и голем број на композициони скици во молив, мастило и туш, студии на тела во креда, како и кјароскуро модели и рикорди. Тој стоел на чело на неговата семејна ликовна работилница сѐ до неговата смрт во 1588 год.