Паркирање домен
Од Википедија, слободна енциклопедија
Паркирање домен или паркирање ДНС (domain parking, DNS parking) е услуга што ја нуди веб-хост на клиенти со цел зачувување на некое име на домен за идна употреба. Веб-хостот го регистрира името на доменот и го „паркира“ на сервер, каде што тоа чека да се активира. Со ова, хостот обезбедува достапност на името на доменот за својот клиент, односно оневозможува некој друг да го регистрира тоа име во меѓувреме.
Како рекламна практика, паркирањето на домени се користи и за прибирање приход од посетите кои доаѓаат на неразвиен веб-сајт, или до домен со име кое привлекува случајни посетители. Кога ја посетуваат адресата, посетителите се пренасочуваат на страница што содржи релевантни огласи и врски. Врските може да бидат насочени кон предвидените интереси на посетителите. На пример, доменот oslabi.com.mk може да води кон страница со линкови за дијети и лекови за намалување на телесната тежина.
Уште една употреба на паркирањето домени е пренасочување кон друг веб-сајт од истиот сопственик.
Паркирањето домени се дели на монетизирано (генерира приход) и немонетизирано. Кај првото се покажуваат огласи. Кај второто, најчесто се поставува порака од типот „Во изработка“, „Наскоро ќе се хостира...“ („Under Construction“ или „Coming Soon“).
[уреди] Надворешни врски
- Domain parking, напис на англиската Википедија
- DNS parking, дефиниција на Вебопедија
