Столе Попов
Од Википедија, слободна енциклопедија
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.
Столе Попов (Скопје, 20.8.1950 - ) е македонски филмски режисер.
Во 1973 година дипломира режија на Факултетот за драмски уметности во Белград, во класата на професорот Радош Новаковиќ. Во текот на студирањето има снимено 10 краткометражни студентски филмови.
Во периодот од 1974 до 1978 година, има статус на слободен филмски работник. Од 1978 до 1988 година работи како режисер во „Вардар филм“, а од 1985 до 1986 година ја врши должноста на директор на филмска куќа. Од 1989 година работи како професор по филмска режија на Факултетот за драмски уметности во Скопје. Еден е од основачите на приватното претпријатие за производство на филмови ТРИАНГЛ. Од 1999 година е член на Европската филмска академија. Кариерата ја започнува со документарниот филм ОГАН. Со овој краткометражен филм ја освојува првата награда на Фестивалот на документарен и краткометражен филм во Белград (1974). Филмовите АВСТРАЛИЈА, АВСТРАЛИЈА (1976) и ДАЕ (1979) се документарци за коишто, исто така, е награден на веќе споменатиот Белградски фестивал, а за ДАЕ и на фестивалите во Оберхаузен, Мелбурн и други, како и со номинирањето за Оскар. Од 1981 година Попов го прифаќа предизвикот на играниот филм, каде се потврдува како зрел филмски автор. Неговите четири долгометражни остварувања постигнуваат врвни успеси на голем број меѓународни фестивали во светот.
