Јужнословенски јазици

Од Википедија, слободна енциклопедија

Јужнословенските јазици постојат како посебна група меѓу словенските јазици. Тие произлегуваат од еден претпоставен јужен прасловенски макродијалект, којшто се оформил во времето на второто разделување на прасловенскиот јазик.

Содржина

1 Општа карактеристика
2 Историски развиток
3 Јужнословенски јазици
4 Надворешни врски

[уреди] Општа карактеристика

Јужнословенските јазици се делат на две подгрупи: западна и источна . Источната подгрупа се карактеризира со зачувањето на (различното) звучење на еровите самогласки (ь и ъ), а западната подгрупа - со наставка -ga во генитив еднина машки и среден род на придавките и наставка –mo кај глаголите во множина прво лице .

Јужнословенските јазици имаат и неколку општи стари фонетски карактеристики од касниот период на развивање на прасловенскиот јазик, дел од кои се општи и за источнословенските јазици:

промена на консонантните групи *dl > l и *tl > l: *radlo > ralo, pletlъ > plelъ;
промена на консонантните групи *kv > cv и *gv > dzv пред ě2: cvětъ, dzvězda;
промена *ch > s’ поради втора и трета палатализација: vьchь > vьsь, mouchě > mousě.