അരിസോണ
വിക്കിപീഡിയ, ഒരു സ്വതന്ത്ര വിജ്ഞാനകോശം.
അരിസോണ അമേരിക്കന്‍ ഐക്യനാടുകളുടെ തെക്കു പടിഞ്ഞാറുള്ള സംസ്ഥാനമാണ്. 1912-ല്‍ നാല്പത്തെട്ടാമത്തെ യു.എസ്. സംസ്ഥാനമായാണ് അരിസോണ നിലവില്‍ വന്നത്. മരുഭൂമികളുടെ നാടാണിത്. വടക്കന്‍ മേഖലകളില്‍ ഉയര്‍ന്ന പ്രദേശങ്ങളും സാധാരണ കാലാവസ്ഥയുമാണെങ്കില്‍ തെക്ക് കനത്ത ചൂടും മരുഭൂപ്രദേശങ്ങളുമാണ്. വലിപ്പത്തിന്റെ കാര്യത്തില്‍ ആറാമതാണ് അരിസോണയുടെ സ്ഥാനം. ന്യൂ മെക്സിക്കോ, യുറ്റാ, നെവഡ, കാലിഫോര്‍ണിയ, കൊളറാഡോ എന്നിവയാണ് അയല്‍ സംസ്ഥാനങ്ങള്‍. മെക്സിക്കോയുമായി 626 കിലോമീറ്റര്‍ രാജ്യാന്തര അതിര്‍ത്തിയുമുണ്ട്. തലസ്ഥാനം ഫീനിക്സ്. പ്രധാന നഗരവും ഇതു തന്നെ.
