എം.പി. നാരാ‍യണപ്പിള്ള
വിക്കിപീഡിയ, ഒരു സ്വതന്ത്ര വിജ്ഞാനകോശം.
മലയാളത്തിലെ പ്രശസ്തനായ എഴുത്തുകാരനും പത്രപ്രവര്‍ത്തകനും സാമൂഹിക നായകനുമായിരുന്നു എം.പി. നാരായണപിള്ള (ജനനം - 1939 നവംബര്‍ 22, മരണം - 1998 മെയ് 19). നാണപ്പന്‍ എന്ന് സ്നേഹത്തോടെ അറിയപ്പെട്ടിരുന്നു അദ്ദേഹം. പെരുമ്പാവൂരിനു അടുത്തുള്ള പുല്ലുവഴിയില്‍ ജനിച്ചു. അലഹബാദ് സര്‍വ്വകലാശാലയില്‍ നിന്നും കാര്‍ഷിക ശാസ്ത്രത്തില്‍ ബിരുദം നേടിയതിനു ശേഷം അദ്ദേഹം ദില്ലിയിലെ കിഴക്കന്‍ ജര്‍മ്മന്‍ എംബസിയില്‍ ടെലെഫോണ്‍ ഓപ്പറേറ്റര്‍ ആയി തന്റെ ഔദ്യോഗിക ജീവിതം ആരംഭിച്ചു. അതിനുശേഷം ഒരു സാമ്പത്തിക വിദഗ്ധനായി ദേശീയ ആസൂത്രണ കമ്മീഷനില്‍ അദ്ദേഹം 5 വര്‍ഷം ജോലിചെയ്തു. ഈ സമയത്താണ് തന്റെ സാഹിത്യ ജീവിതം അദ്ദേഹം ആരംഭിക്കുന്നത്.
പിന്നീട് ഫാര്‍ ഈസ്റ്റേണ്‍ എക്കൊണോമിക്ക് റിവ്യൂ-ല്‍ ഉപ പത്രാധിപരായി അദ്ദേഹം ജോലിചെയ്തു. 1970 മുതല്‍ 1972 വരെ അദ്ദേഹം ബോംബെയില്‍ വാണിജ്യവകുപ്പിന്റെ പ്രസിദ്ധീകരണ വിഭാഗം തലവനായും മക് ഗ്രാ ഹില്ല് ലോക വാര്‍ത്തയുടെ ഇന്ത്യന്‍ വാര്‍ത്താ ലേഖകന്‍ ആയും ജോലി ചെയ്തു. ഇതിനുശേഷം മിനറത്സ് ആന്റ് മെറ്റത്സ് റിവ്യൂ-വിന്റെ പത്രാധിപരായി അദ്ദേഹം പ്രവര്‍ത്തിച്ചു.
ഏഷ്യന്‍ ഇന്‍ഡസ്റ്റ്രീസ് ഇന്‍ഫൊര്‍മേഷന്‍ സെന്റര്‍ എന്ന സ്ഥാപനത്തിന്റെ തലവന്‍ ആയിരുന്നു. മലയാളം വാരികയായിരുന്ന ട്രയലിന്റെ പത്രാധിപരായും പ്രവര്‍ത്തിച്ചിട്ടുണ്ട്.
ധാരാ‍ളം ചെറുകഥകള്‍ എഴുതിയിട്ടുണ്ടെങ്കിലും പരിണാമം എന്ന ഒറ്റ നോവല്‍ മാത്രമേ നാരായണപിള്ള എഴുതിയിട്ടുള്ളൂ. കേരള സാഹിത്യ അക്കാദമിയുടെ 1992-ലെ പുരസ്കാരം ലഭിച്ചു എങ്കിലും തന്റെ ചില നിബന്ധനകള്‍ പുരസ്കാര കമ്മിറ്റി അംഗീകരിക്കാത്തതിനാല്‍ അദ്ദേഹം ഈ പുരസ്കാരം നിരസിച്ചു.
അദ്ദേഹം മെയ് 19, 1998-നു അന്തരിച്ചു.
[തിരുത്തുക] കൃതികള്‍
- 56 സത്രഗലി
- പരിണാമം
- എം.പി. നാരായണപിള്ളയുടെ കഥകള്‍
- ഹനുമാന്‍ സേവ
- അവസാനത്തെ പത്തുരൂപ നോട്ട് (സ്മരണകള്‍)
- മൂന്നാംകണ്ണ് - ജീവചരിത്രപരമായ ഉപന്യാസങ്ങള്‍
- (ഭാഗം 1: സി.പി. രാമചന്ദ്രന്‍, വി.കെ.എന്‍. മാധവിക്കുട്ടി (കമലാദാസ്), മലയാറ്റൂര്‍ രാമകൃഷ്ണന്‍, പി. ഗോവിന്ദപ്പിള്ള, കെ. കരുണാകരന്‍, ബാബുഭാസ്കര്‍)
- (ഭാഗം 2: കെ.സി. മാമന്‍ മാപ്പിള, എ.ഡി. ഗോര്‍വാല)
- വായനക്കാരെ പൂവിട്ടു തൊഴണം
- ഉരുളയ്ക്കുപ്പേരി
- ഇന്നലെ കാക്ക വന്നോ? പിണ്ഡം കൊത്തിയോ
- ആറാം കണ്ണ്
- മദ്യപുരാണം
- പിടക്കോഴി കൂവാന്‍ തുടങ്ങിയാല്‍
- വെളിപാടുകള്‍
- മുരുഗന്‍ എന്ന പട്ടാമ്പി
- കാഴ്ചകള്‍ ശബ്ദങ്ങള്‍
- കെന്റക്കി - ചിക്കന്‍ കടകള്‍ തല്ലിപ്പൊളിക്കണോ?
- വിവാദം
[തിരുത്തുക] =ഇംഗ്ലീഷ് വിവര്‍ത്തനങ്ങള്‍
- 56, ലേന്‍ നൊ. 70 -സുനില്‍ കെ. പൂലാനി വിവര്‍ത്തനം ചെയ്തത്.
- മൃഗാധിപത്യം - പാട്രിക് എഡ്വാര്ഡ്
