എഴുമാന്തുരുത്ത് പൂങ്കാവില്‍ ദേവീക്ഷേത്രം
വിക്കിപീഡിയ, ഒരു സ്വതന്ത്ര വിജ്ഞാനകോശം.
ശ്രീ ബാലഭദ്രയുടെ അപൂര്‍വ്വം ചില ക്ഷേത്രങ്ങളില്‍ ഒന്നാണ് പൂങ്കാവില്‍ ശ്രീ ബാലഭദ്ര ക്ഷേത്രം. കേരളത്തിലെ കോട്ടയം ജില്ലയില്‍ കടുത്തുരുത്തി ഗ്രാമ പഞ്ചായത്തിലെ എഴുമാന്തുരുത്ത് ഗ്രാമത്തില്‍ ആണ് ഈ ക്ഷേത്രം സ്ഥിതിചെയ്യുന്നത്.
[തിരുത്തുക] ചരിത്രം, ഐതീഹ്യം
17-ആം നൂറ്റാണ്ടില്‍ ടിപ്പുസുല്‍ത്താന്‍ വടക്കന്‍ കേരളം ആക്രമിച്ചപ്പോള്‍ മലബാറിലെ പല രാജാക്കന്മാരും ബ്രാഹ്മണരും പാലായനം ചെയ്ത് മദ്ധ്യതിരുവിതാംകൂറില്‍ എത്തി പല സ്ഥലങ്ങളിലായി താമസം ഉറപ്പിച്ചു. ഇങ്ങനെയുള്ള ഒരു കുടുംബം എഴുമാന്തുരുത്തില്‍ താമസം ഉറപ്പിച്ചു. ഈ കുടുംബത്തോടൊപ്പം ദേവി ബാലഭദ്ര എന്ന ഒരു ശിശുദേവതയും ഇവിടെ എത്തി. എങ്കിലും ഈ കുടുംബം ദേവിയുടെ വരവ് അറിഞ്ഞില്ല. കൊല്ലവര്‍ഷം 99-ല്‍ കേരളത്തില്‍ ഉണ്ടായ മഹാപ്രളയത്തിന്റെ സമയത്ത് മുണ്ടര്‍ വേലു എന്ന സ്ഥലത്തെ പ്രമാണി പൂങ്കാവില്‍ ദേവിയുടെ സാന്നിദ്ധ്യം കണ്ടെത്തി. അദ്ദേഹം താന്ത്രികരെ ഉടന്‍ തന്നെ വിളിച്ചുവരുത്തി ഇത് ഉറപ്പുവരുത്തി, ക്ഷേത്ര നിര്‍മ്മാ‍ണം ആരംഭിച്ചു. താന്ത്രികരുടെ കണ്ടെത്തലുകള്‍ അനുസരിച്ച് ദേവത യുവതികളോട് വളരെ കരുണയുള്ളവള്‍ ആണ്. യുവതികളുടെ സുഖത്തിലും സുരക്ഷയിലും ദേവി ശ്രദ്ധാലുവാണ്. ഇവിടെ നെയ്‌വിളക്ക്, നാരങ്ങാ മാല എന്നിവ അര്‍പ്പിക്കുന്ന യുവതികളില്‍ പ്രസാദിച്ച് ദേവി ഇവരുടെ വിവാഹ തടസ്സങ്ങള്‍ മാറ്റുന്നു എന്നാണ് വിശ്വാസം.
[തിരുത്തുക] എത്തിച്ചേരാനുള്ള വഴി
- കോട്ടയത്തു നിന്ന്: കോട്ടയം - എഴുമാന്തുരുത്ത് ബസ്സില്‍ കയറി എഴുമാന്തുരുത്ത് കവലയില്‍ ഇറങ്ങുക. ഇവിടെ നിന്നും ക്ഷേത്രം 5 മിനിറ്റ് നടക്കാവുന്ന ദൂരത്താണ്.
- കടുത്തുരുത്തിയില്‍ നിന്ന്: കടുത്തുരുത്തി - അയ്യംകുടി - എഴുമാന്തുരുത്ത് (8 കിലോമീറ്റര്‍ ദൂരം).
- തലയോലപ്പറമ്പ് നിന്ന്: ബസ്സ്, ഓട്ടോ എന്നിവ ലഭ്യമാണ് (5 കിലോമീറ്റര്‍ ദൂരം).
ശ്രീ ബാലഭദ്രയെ ആരാധിക്കുന്ന യുവതികളുടെ വിവാഹം പെട്ടെന്നു നടക്കും എന്ന് മാതാപിതാക്കള്‍ വിശ്വസിക്കുന്നു. ഇതിനാല്‍ ധാരാളം ഭക്തര്‍ ഇവിടം സന്ദര്‍ശിക്കുന്നു.
[തിരുത്തുക] വഴിപാടുകള്‍
- നെയ്‌വിളക്ക്
- നാരങ്ങാ മാല
