ഐക്യ പുരോഗമന സഖ്യം
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇന്ത്യയില്‍ നിലവില്‍ അധികാരത്തിലിരിക്കുന്ന വിവിധ രാഷ്ട്രീയകക്ഷികളുടെ സഖ്യമാണ് ഐക്യ പുരോഗമന സഖ്യം അഥവാ യു.പി.എ. 2004-ലെ പൊതുതിരഞ്ഞെടുപ്പിനു ശേഷമാണ് ഈ സഖ്യം രൂപീകരിച്ചത്. എന്നിരുന്നാലും സഖ്യത്തിലെ വിവിധ കക്ഷികള്‍ തമ്മില്‍ തിരഞ്ഞെടുപ്പു വേളയില്‍ തന്നെ ധാരണയുണ്ടായിരുന്നു. ഒരു കക്ഷിക്കും വ്യക്തമായ ഭൂരിപക്ഷം ഇല്ലാത്ത തിരഞ്ഞെടുപ്പു ഫലത്തെത്തുടര്‍ന്ന് ഏതാനും രാഷ്ട്രീയ കക്ഷികള്‍ സഖ്യത്തിലേര്‍പ്പെട്ട് ഭരണത്തിനായി അവകാശവാദമുന്നയിക്കുകയായിരുന്നു. മതേതര പുരോഗമന സഖ്യം എന്നായിരുന്നു തുടക്കത്തില്‍ നിര്‍ദ്ദേശിക്കപ്പെട്ട പേര്. ഇടതുപക്ഷ കക്ഷികളുടെ പുറത്തുനിന്നുള്ള പിന്തുണയോടെയാണ് യു.പി.എ. അധികാരത്തിലെത്തിയത്.
[തിരുത്തുക] ഐക്യ പുരോഗമന സഖ്യത്തിലെ രാഷ്ട്രീയ കക്ഷികള്‍
- ഇന്ത്യന്‍ നാഷണല്‍ കോണ്‍ഗ്രസ് (കോണ്‍ഗ്രസ് (ഐ))
- രാഷ്ട്രീയ ജനതാദള്‍ (ആര്‍.ജെ.ഡി.)
- ദ്രാവിഡ മുന്നേറ്റ കഴകം (ഡി.എം.കെ.)
- നാഷണലിസ്റ്റ് കോണ്‍ഗ്രസ് പാര്‍ട്ടി (എന്‍.സി.പി.)
- പട്ടാളി മക്കള്‍ കക്ഷി (പി.എം.കെ.)
- ഝാര്‍ഖണ്ഡ് മുക്തി മോര്‍ച്ച (ജെ.എം.എം.)
- മറുമലര്‍ച്ചി ദ്രാവിഡ മുന്നേറ്റ കഴകം (എം.ഡി.എം.കെ.)
- ലോക് ജനശക്തി പാര്‍ട്ടി (എല്‍.ജെ.എന്‍.എസ്.പി.)
- ഇന്ത്യന്‍ യൂണിയന്‍ മുസ്ലീം ലീഗ് (ഐ.യു.എം.എല്‍.)
- ജമ്മു-കാശ്മീര്‍ പീപ്പിള്‍സ് ഡെമോക്രാറ്റിക് പാര്‍ട്ടി (ജെ.കെ.പി.ഡി.പി.)
- റിപ്പബ്ലിക്കന്‍ പാര്‍ട്ടി ഓഫ് ഇന്ത്യ (ആത്‌വാലെ) (ആര്‍.പി.ഐ. (എ))
- റിപ്പബ്ലിക്കന്‍ പാര്‍ട്ടി ഓഫ് ഇന്ത്യ (ഗവായി) (ആര്‍.പി.ഐ. (ജി))
- ഓള്‍ ഇന്ത്യാ മജ്‌ലിസ് -ഇ-ഇത്തിഹാദുല്‍ മുസ്ലിമെന്‍ (എ.ഐ.എം.ഐ.എം.)
- കേരളാ കോണ്‍ഗ്രസ് (മാണി)
സഖ്യ രൂപീകരണവേളയിലും പിന്നീട് ഭരണത്തിലും പങ്കാളിയായിരുന്ന തെലുങ്കാനാ രാഷ്ട്രീയ സമിതി (ടി.ആര്‍.എസ്.) പിന്നീട് യു.പി.എയില്‍ നിന്നും പുറത്തുപോയി. പ്രാദേശിക തലത്തില്‍ സഖ്യത്തിലെ തന്നെ വിവിധ കക്ഷികള്‍ വ്യത്യസ്ത ചേരിയിലാണ് നിലയുറപ്പിച്ചിരിക്കുന്നത്.
സി.പി.ഐ.(എം), സി.പി.ഐ., ആര്‍.എസ്.പി., ഫോര്‍വേഡ് ബ്ലോക്ക് എന്നീ ഇടതു കക്ഷികളാണ് യു.പി.എ.യ്ക്ക് പുറമേനിന്നു പിന്തുണ നല്‍കുന്നത്.
