കെ. എസ്. ചിത്ര
വിക്കിപീഡിയ, ഒരു സ്വതന്ത്ര വിജ്ഞാനകോശം.
കെ എസ് ചിത്ര (ജനനം ജൂലൈ 27,1963) മലയാളികളുടെ അഭിമാനസ്വരമാണ്. മലയാളം കൂടാതെ , തമിഴ്, തെലുങ്ക്, കന്നഡ , ഒറിയ, ഹിന്ദി, ബംഗാളി ഭാഷകളിലും പാടിയിട്ടുണ്ട്.
ഉള്ളടക്കം |
[തിരുത്തുക] ജീവിതരേഖ
[തിരുത്തുക] ബാല്യകാലം, ആദ്യപാഠങ്ങൾ
സംഗീതജ്ഞരുടെ കുടുംബത്തില്‍ ജനിച്ച ചിത്രയുടെ സംഗീതത്തിലുള്ള താല്പര്യം കണ്ടെത്തിയത് പിതാവ് കൃഷ്ണന്‍ നായര്‍ ആയിരുന്നു. അദ്ദേഹം തന്നെയാണ് ആദ്യ ഗുരു. ശ്രീമതി കെ. ഓമനക്കുട്ടിയുടെ കീഴില്‍ കര്‍ണാടക സംഗീതം അഭ്യസിച്ചു. 1978 മുതല്‍ 1984 വരെ കേന്ദ്രഗവര്‍മെന്റിന്റെ നാഷനല്‍ ടാലന്റ് സേര്‍ച്ച് സ്കോളര്‍ഷിപ്പ് ചിത്രയ്ക് ലഭിച്ചു. ശ്രീ എം. ജി. രാധാകൃഷ്ണന്‍ ആണ് 1979ല്‍ ആദ്യമായി മലയാള സിനിമയില്‍ പാടാന്‍ അവസരം കൊടുത്തത്. ഇളയരാജയുടെ സംഗീതസംവിധാനത്തില്‍ ആണ് തമിഴില്‍ ആദ്യമായിട്ട് പാടുന്നത്.
[തിരുത്തുക] അംഗീകാരങ്ങള്‍
ഏറ്റവും നല്ല ഗായികയ്ക്കുള്ള ദേശീയപുരസ്കാരം ചിത്ര 6 തവണ നേടിയിട്ടുണ്ട്.
1986 -(സിന്ധുഭൈരവി- തമിഴ്)
1987 -(നഖക്ഷതങ്ങള്‍- മലയാളം)
1989 - (വൈശാലി - മലയാളം)
1996 -(മിന്‍സാരക്കനവ്- തമിഴ്)
1997 -(വിരാസത് - ഹിന്ദി)
2004 -(ഓട്ടോഗ്രാഫ്- തമിഴ് )
- പതിനാല് തവണ കേരള സംസ്ഥാന അവാര്‍ഡും 6 തവണ ആന്ധ്രാ സര്‍ക്കാരിന്റെ അവാര്‍ഡും, 3 തവണ തമിഴ്‌നാട് സര്‍ക്കാരിന്റെ അവാര്‍ഡും, 2 തവണ കര്‍ണാടക സര്‍ക്കാരിന്റെ അവാര്‍ഡും ഏറ്റവും നല്ല പിന്നണിഗായികയ്ക്കുള്ള അവാര്‍ഡായിട്ട് ചിത്രയ്ക്ക് ലഭിച്ചിട്ടുണ്ട്.
