ചേരമാന്‍ പെരുമാള്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
മഹോദയപുരം ( കൊടുങ്ങല്ലൂര്‍) ആസ്ഥനമാക്കി കേരളം ഭരിച്ചിരുന്ന രാജശേഖര വര്‍മ്മന്‍ എന്നറിയപ്പെടുന്ന ചേര വംശിയായ രാജാവ്. (ക്രി. വ. 805-824) അവസാനത്തെ ചേര രാജാവ് എന്നും അറിയപ്പെടുന്നു ചേരമാന്‍ പെരുമാള്‍ നായനാര്‍. ദക്ഷിണേന്ത്യന്‍ മത ചരിത്രത്തില്‍ ഉന്നതമായ സ്ഥാനം വഹിച്ചിരുന്നു. ചെക്കീഴാരുടെ പെരിയപുരാണം എന്ന പുസ്തകത്തില്‍ നിന്നാണ് ഇദ്ദേഹത്തെ പറ്റിയുള്ള അറിവുകള്‍ പ്രധാനമായും ലഭിക്കുന്നത്. ശൈവമുനിമാരായിരുന്ന 63 നായനാര്‍മാരെക്കുറിച്ച് പ്രതിപാധിക്കുന്നാതാണ പെരിയപുരാണം. എന്നാല്‍ ചേരമാന്‍ പെരുമാള്‍ നായനാരുടെ അച്ഛന്‍ കുലശേഖര പെരുമാള്‍ പേരുകേട്ട ഒരു വൈഷ്ണവ മുനിയായിരുന്നു. [1]
[തിരുത്തുക] ചരിത്രം
പിതാവ് കുലശേഖര ആഴ്വാര്‍ ചോളവഒശിയനായിരുന്നു, മാതാവ് ചേരവശിയയാണ്‌. [2] ജനിച്ചത് കൊടുങ്ങല്ലൂരിലെ തിരുവഞ്ചിക്കുളത്ത്തിരു വഞ്ചിക്കുളം ക്ഷേത്രപരിസരത്തു തന്നെയാണ് അദ്ദേഹം സിംഹാസനരൂഡനായതിനുശേഷവും ചിലവഴിച്ചിരുന്നത്, അത്രയ്ക്കും തികഞ്ഞ ശിവഭക്തനായിരുന്നു അദ്ദേഹം. മുഴുവന്‍ സമയവും ശിവപോജയില്‍ മുഴുകിയിരുന്ന അദ്ദേഹം ചിദംബരത്തെ നടരാജ്മൂര്‍ത്തി തന്നെയാണ് തിരുവഞ്ചിക്കുളത്തെ ശിവ പ്രതിഷ്ഠ എന്നു വിശ്വസിച്ചിരുന്നു. എന്നും പൂജയുടെ അന്ത്യത്തില്‍ ചിദംബരത്തില്‍ നടനമാടുന്ന ശിവഭഗ്ഗവാന്റ്റെ ചിലംബൊലി അദ്ദേഹം കേല്‍ക്കുമായിരുന്നു എന്നു ചേക്കിഴാര്‍ വര്‍ണ്ണിക്കുന്നു. ഒരിക്കല്‍ ചാരം കൊണ്ട് ദേഹം മൂടിയ ഒരു അലക്കുകാരന്‍റെ കാലില്‍ അദ്ദേഹം വീഴുകയും എന്നാല്‍ അത് വിഭൂതിയണിഞ്ഞ ശിവപെരുമാളായാണ് അദ്ദേഹത്തിന് ദര്‍ശിക്കാന്‍ കഴിഞ്ഞത്.
ഒരിക്കല്‍ പൂജക്കുശേഷം താന്‍ സ്ഥിരം അനുഭവിച്ചിരുന്ന ചിലംബൊലി ശബ്ദം കേള്‍ക്കാതെ വരികയും അത് ശിവഭഗവാന് തന്നോടു തോന്നിയ അനിഷ്ടം മൂലമെന്ന് കരുതി ജീവിതം അവസാനിപ്പിക്കാനൊരുങ്ങിയ അദ്ദേഹത്തിന്റ്റെ മുന്നില്‍ സക്ഷാല്‍ പരമശിവന്‍ പ്രത്യഷപ്പെട്ടെന്നും ചേക്കിഴയാര്‍ വിവരിക്കുന്നു. സുന്ദരമൂര്‍ത്തിയുടെ പാട്ടില്‍ ലയിച്ചു പോയതിനാലാണ് താന്‍ നടനം മറന്നു പോയതെന്നു ശിവന്‍ അരുളിച്ചെയ്തു, ചേരമാന്‍ പെരുമാളിനെ ആത്മഹത്യയില്‍ നിന്നും പിന്തിരിപ്പിച്ചു. ഈ സംഭവം നായനാരില്‍ ശിവക്ഷേത്ര ദര്‍ശനം നടത്തുന്നതിനു, സുന്ദരമൂര്‍ത്തിയെ കണ്ടു വണങ്ങുന്നതിനും ആഗ്രഹം ജനിപ്പിച്ചുവത്രെ.
