തിരുനല്ലൂര്‍ കരുണാകരന്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
പ്രശസ്തകവിയും സാഹിത്യകാരനുമയിരുന്നു തിരുനല്ലൂര്‍ കരുണാകരന്‍. 1924 ഒക്ടോബര്‍ 8-ന്‌ കൊല്ലം താലൂക്കിലെ പെരിനാട്ട്‌ പി.കെ.പത്മനാഭന്റെയും എന്‍ളക്ഷ്‌മിയുടെയും മകനായാണ്‌ കരുണാകരന്‍ ജനിച്ചത്‌. പ്രാഥമിക വിദ്യാഭ്യാസവും സംസ്‌കൃതപഠനവും ഒന്നിച്ചായിരുന്നു. ഇ.എസ്‌.എല്‍.സി.ക്ക്‌ പ്രാക്കുളം എന്‍.എസ്‌.എസ്‌. ഇംഗ്ലീഷ്‌ ഹൈസ്ക്കൂളിലും ബി.എ.യ്ക്ക്‌ കൊല്ലം എസ്‌.എന്‍.കോളേജിലും പഠിച്ചു. ചരിത്രത്തില്‍ ബിരുദമെടുത്തതിനെ തുടര്‍ന്ന്‌ കൊല്ലം എസ്‌.എന്‍. കോളേജില്‍ മലയാളം ട്യൂട്ടറായി ഒരു വര്‍ഷം ജോലി ചെയ്തു. 1954-ല്‍ യൂണിവേഴ്‌സിറ്റി കോളേജില്‍ നിന്ന്‌ മലയാള സാഹിത്യത്തില്‍ എം.എ. നേടി. ആ വര്‍ഷം തന്നെ കോളേജ്‌ അധ്യാപകനായി സര്‍ക്കാര്‍ സര്‍വീസില്‍ പ്രവേശിച്ചു; ആദ്യത്തെ മൂന്നുവര്‍ഷം ഗവ.ആര്‍ട്‌സ്‌ കോളേജിലും അതിനുശേഷം 1975 വരെ യൂണിവേഴ്‌സിറ്റി കോളേജിലും. 1975-ല്‍ കേരള പബ്ലിക്‌ സര്‍വീസ്‌ കമ്മീഷന്‍ അംഗമായി. 1981-ല്‍ ഔദ്യോഗിക ജീവിതത്തില്‍നിന്ന്‌ വിരമിച്ചു.
1989 മുതല്‍ 1994 വരെ ജനയുഗം വാരികയുടെ മുഖ്യ പത്രാധിപസ്ഥാനം വഹിച്ചു. 1973-ല്‍ സോവിയറ്റ്‌ റഷ്യയില്‍ നടന്ന എഴുത്തുകാരുടെ സമ്മേളനത്തിലെ ഇന്ത്യന്‍ പ്രതിനിധിസംഘത്തില്‍ അംഗമായിരുന്നു. 'തിരുനല്ലൂര്‍ കരുണാകരന്റെ കവിതകള്‍' എന്ന സമാഹാരത്തിന്‌ 1985-ലെ [[ആശാന്‍ പുരസ്കാരം|ആശാന്‍ പുരസ്കാരവും 1988-ലെ വയലാര്‍ അവാര്‍ഡും ലഭിച്ചു.
[തിരുത്തുക] പ്രധാന കൃതികള്‍
- സൌന്ദര്യത്തിന്റെ പടയാളികള്‍
- പ്രേമം മധുരമാണ്‌ ധീരവുമാണ്‌
- രാത്രി
- റാണി
- അന്തിമയങ്ങുമ്പോള്‍
- താഷ്‌കെന്റ്‌
- ഗ്രീഷ്മസന്ധ്യകള്‍
- മലയാള ഭാഷാപരിണാമം-സിദ്ധാന്തങ്ങളും വസ്തുതകളും
- ഒരു മഹായുദ്ധത്തിന്റെ പര്യവസാനം
[തിരുത്തുക] വിവര്‍ത്തനങ്ങള്‍
- മേഘസന്ദേശം
- അഭിജ്ഞാനശാകുന്തളം
- ജിപ്‌സികള്‍.
[തിരുത്തുക] മരണം
81-ാ‍ം വയസ്സില്‍ 2006 ജൂലൈ 5 നു അന്തരിച്ചു,
 |
ഒരു കവിയെ /കവയത്രിയെക്കുറിച്ചുള്ള ഈ ലേഖനം അപൂര്‍ണ്ണമാണ്‍. ഇതു പൂര്‍ത്തിയാക്കാന്‍ സഹായിക്കുക . |
