തൂവാനത്തുമ്പികള്‍ (ചലച്ചിത്രം)
വിക്കിപീഡിയ, ഒരു സ്വതന്ത്ര വിജ്ഞാനകോശം.
| തൂവാനത്തുമ്പികള്‍ | |
|---|---|
 |
|
| സംവിധാനം | പി. പത്മരാജന്‍ |
| നിര്‍മ്മാണം | പി. സ്റ്റാന്‍ലി |
| കഥ | പി. പത്മരാജന്‍ |
| അഭിനേതാക്കള്‍ | മോഹന്‍ലാല്‍, സുമലത, പാര്‍വ്വതി |
| സംഗീതം | പെരുമ്പാവൂര്‍ ജി. രവീന്ദ്രനാഥ് |
| വിതരണം | സിതാര പിക്ചര്‍സ് |
| Release date(s) | 1987 |
| Running time | 151 മിനിറ്റ്. |
| ഭാഷ | മലയാളം |
| IMDb profile | |
തൂവാനത്തുമ്പികള്‍ 1987-ല്‍ പത്മരാജന്‍ തിരക്കഥ എഴുതി സംവിധാനം ചെയ്ത ഒരു ചലച്ചിത്രമാണ്. അദ്ദേഹത്തിന്റെ തന്നെ ചെറിയ നോവല്‍ ആയ ഉദകപ്പോളയെ ആസ്പദമാക്കിയാണ് ഇത് രചിച്ചിരിക്കുന്നത്. ഉദകപ്പോള, ചലച്ചിത്രത്തെ അപേക്ഷിച്ച് കൂടുതല്‍ ഇരുണ്ടതാണെന്നു പറയാം. ഉദകപ്പോളയില്‍ അവതരിപ്പിക്കുന്ന രണ്ടു വ്യത്യസ്ത കഥാപാത്രങ്ങളെ ജയകൃഷ്ണന് എന്ന ഒറ്റ കഥാപാത്രമായി ഇതില്‍ പത്മരാജന്‍ സംയോജിപ്പിച്ചിരിക്കുന്നു. നാട്ടിന്‍പുറത്തുകാരന്റെയും പട്ടണത്തിലെ ജീവിതം ആസ്വദിക്കുന്ന യുവാവിന്റെയും ദ്വന്ദ്വവ്യക്തിത്വങ്ങള്‍ ജയകൃഷ്ണന് (മോഹന്‍ലാല്‍) എന്ന കഥാപാത്രം പ്രതിഫലിപ്പിക്കുന്നു. ഈ ചിത്രത്തിന്റെ തിരക്കഥ, സംവിധാനം, മോഹന്ലാലിന്റെ അഭിനയം എന്നിവ വളരെ പ്രശംസ പിടിച്ചുപറ്റി. പെരുമ്പാവൂര്‍ ജി. രവീന്ദ്രനാഥ് സംഗീതസംവിധാനംചെയ്ത ഒന്നാം രാഗം പാടി, മേഘം പൂത്തുതുടങ്ങി തുടങ്ങിയ പ്രശസ്തഗാനങ്ങള്‍ ഈ ചിത്രത്തിലുണ്ട്. മോഹന്ലാലിന്റെ അഭിനയജീവിതത്തിലെ അവിസ്മരണീയമായ കഥാപാത്രങ്ങളില്‍ ഒന്നാണ് ഈ ചിത്രത്തിലെ ജയകൃഷ്ണന്. മലയാള ചലച്ചിത്രങ്ങളില്‍ വിരളമായ ഒരു വിഷയത്തെ ഈ ചലച്ചിത്രം കൈകാര്യം ചെയ്യുന്നു.
ഉള്ളടക്കം |
[തിരുത്തുക] കഥാസംഗ്രഹം
ജയകൃഷ്ണന് (മോഹന്‍ലാല്‍) രണ്ടു വേറിട്ട ജീവിതങ്ങള്‍ നയിക്കുന്ന അവിവാഹിതനാണ്. ഗ്രാമത്തില്‍ അമ്മയുടെയും സഹോദരിയുടെയും കൂടെ ജീവിക്കുന്ന തനി നാട്ടിന്‍പുറത്തുകാരനായും പട്ടണത്തില്‍ സുഹൃത്തുക്കളുമായി ജീവിതം ആഘോഷിക്കുന്ന യുവാവായും ജയകൃഷ്ണന് ജീവിക്കുന്നു. തങ്ങള്‍ എന്ന ദല്ലാളിലൂടെ ജയകൃഷ്ണന് ക്ലാരയെ പരിചയപ്പെടുന്നു. ക്ലാര വേശ്യാവൃത്തി സ്വീകരിക്കുവാന്‍ ആഗ്രഹിക്കുന്നവളാണ്. നാട്ടിന്‍പുറത്തുകാരിയായ രാധയെ (പാര്‍വ്വതി) ജയകൃഷ്ണന് സ്നേഹിക്കുകയും വിവാഹം കഴിക്കുകയും ചെയ്യുന്നു. എന്നാല്‍ ക്ലാരയുമായുള്ള ബന്ധം ജയകൃഷ്ണന് ഉപേക്ഷിക്കാന്‍ സാധിക്കുന്നില്ല. ഈ ദ്വന്ദ്വവ്യക്തിത്വങ്ങളിലൂടെ പത്മരാജന്‍ കഥ പറയുന്നു.
[തിരുത്തുക] അഭിനയിച്ചവര്‍
- മോഹന്‍ലാല്‍ - ജയകൃഷ്ണന് എന്ന കഥാപാത്രം
- സുമലത - ക്ലാര
- പാര്‍വ്വതി - രാധ
- അശോകന്‍ - ഋഷി
- ബാബു നമ്പൂതിരി - തങ്ങള്‍
- ശ്രീനാഥ് - മാധവന്‍
- സുകുമാരി - ജയകൃഷ്ണന്റെ അമ്മ
- ജഗതി ശ്രീകുമാര്‍ - രാവുണ്ണി നായര്‍
- ശങ്കരാടി - രാധയുടെ അഛന്‍
- എം.ജി. സോമന്‍ - മോനി ജോസഫ്
[തിരുത്തുക] സംവിധാനം
- സംവിധാനം - പി. പത്മരാജന്‍
- സംഗീത സംവിധാനം - പെരുമ്പാവൂര്‍ ജി. രവീന്ദ്രനാഥ്
[തിരുത്തുക] ബന്ധപ്പെട്ട ചലച്ചിത്രങ്ങള്‍
- പത്മരാജന്റെ മറ്റുചലച്ചിത്രങ്ങള്‍
ഞാന്‍ ഗന്ധര്‍വ്വന്‍ (1991)
ഇന്നലെ (1989)
സീസണ്‍ (1989)
അപരന്‍ (1988)
മൂന്നാം പക്കം (1988)
നൊമ്പരത്തിപ്പൂവ് (1987)
അരപ്പട്ട കെട്ടിയ ഗ്രാമത്തില്‍ (1986)
കരിയിലക്കാറ്റുപോലെ (1986)
ദേശാടനക്കിളി കരയാറില്ല (1986)
നമുക്കുപാര്‍ക്കാന്‍ മുന്തിരിത്തോപ്പുകള്‍ (1986)
തിങ്കളാഴ്ച്ച നല്ലദിവസം (1985)
പറന്നു പറന്നു പറന്ന് (1984)
കൂടെവിടെ? (1983)
നവംബറിന്റെ നഷ്ടം (1982)
കള്ളന്‍ പവിത്രന്‍ (1981)
ഒരിടത്തൊരു ഫയല്‍‌വാന്‍ (1981)
പെരുവഴിയമ്പലം (1979)
[തിരുത്തുക] പുറത്തുനിന്നുള്ള കണ്ണികള്‍
തൂവാനത്തുമ്പികള്‍ at the Internet Movie Database
പി. പത്മരാജന്‍ at the Internet Movie Database
