ത്രിപുര
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇന്ത്യയിലെ ഒരു വടക്കു കിഴക്കന്‍ സംസ്ഥാനമാണ്‌ ത്രിപുര. ഹിമാലയ നിരകളില്‍ സ്ഥിതിചെയ്യുന്ന ഇവിടെ മംഗോളിയന്‍ വംശജരാണ്‌ അധികവും താമസിക്കുന്നത്‌. കമ്യൂണിസ്റ്റ്‌ പ്രസ്ഥാനങ്ങള്‍ക്ക്‌ ആഴത്തില്‍ വേരോട്ടമുണ്ടിവിടെ. സംസ്ഥാനത്തിന്റെ 54 ശതമാനവും വനഭൂമിയാണ്‌. നിക്ഷിപ്ത വനഭൂമി മാത്രം 3800 ചതുരശ്ര കി.മീ വരും. സംസ്ഥാന തലസ്ഥാനം അഗര്‍ത്തല ആണ്‌. മിസോറാം, അസം, മേഘാലയ എന്നീ സംസ്ഥാനങ്ങളുമായി അന്തര്‍സംസ്ഥാനാതിര്‍ത്തി പങ്കിടുന്ന ത്രിപുര, ബംഗ്ലാദേശുമായി രാജ്യാന്തര അതിര്‍ത്തിയും പങ്കിടുന്നു.
ഉള്ളടക്കം |
[തിരുത്തുക] ചരിത്രം
ആധുനിക ത്രിപുരയുടെ ചരിത്രം മഹാരാജാ മാണിക്യ ബഹദൂറില്‍ പത്തൊമ്പതാം നൂറ്റാണ്ടില്‍ തുടങ്ങുന്നു. അദ്ദേഹം ബ്രിട്ടീഷ്‌ ഇന്ത്യയിലേപ്പോലെയുള്ള ഭരണസംവിധാനം ഏര്‍പ്പെടുത്തി. 1947-ല്‍ ഇന്ത്യ സ്വതന്ത്രമാവുന്നതു വരെ അദ്ദേഹത്തിന്റെ പിന്‍ഗാമികള്‍ ഭരിച്ചു. 1949-ല്‍ ഇന്ത്യയില്‍ ചേര്‍ന്നു. 1956-ല്‍ കേന്ദ്രഭരണ പ്രദേശവും 1972 ജനുവരിയില്‍ സംസ്ഥാനവും ആയി തീര്‍ന്നു.
[തിരുത്തുക] ജനജീവിതം
ആകെ വിസ്തൃതിയില്‍ 24.3 ശതമാനം മാത്രമാണ്‌ കൃഷിക്കനുയോജ്യമായ ഭൂമി. ആധുനിക കൃഷിരീതികള്‍ ഏറെ അവലംബിക്കുന്നുണ്ടെങ്കിലും പ്രതികൂല കാലാവസ്ഥമൂലം ഉല്‍പാദനം കുറവാണ്‌. ത്രിപുരയിലെ ജനങ്ങള്‍ ഉയര്‍ന്ന വിദ്യാഭാസ നിലവാരം പുലര്‍ത്തുന്നു.
[തിരുത്തുക] ജില്ലകള്‍
- വടക്കന്‍ ത്രിപുര
- തെക്കന്‍ ത്രിപുര
- പടിഞ്ഞാറന്‍ ത്രിപുര
[തിരുത്തുക] പ്രധാന സ്ഥലങ്ങള്‍
കൊട്ടാരങ്ങള്‍ക്കും തടാകങ്ങള്‍ക്കും പേരു കേട്ട സ്ഥലങ്ങളാണ്‌ അഗര്‍ത്തലയും, കുദ്രനഗറും, വനനിബിഢ പ്രദേശമായ സിപാഹിജല ഈ സംസ്ഥാനത്താണ്‌. കുന്നിന്‍ നിരകളാലും, പ്രകൃതി രമണീയമായ ദൃശ്യങ്ങളാലും ചുറ്റപ്പെട്ടിരിക്കുന്ന ജംബായ്‌ 'നിത്യവസന്ത സ്ഥലം' എന്നറിയപ്പെടുന്നു.
 |
ഭൂമിശാസ്ത്ര വിഭാഗത്തില്‍പ്പെട്ട ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
| ഇന്ത്യയിലെ സംസ്ഥാനങ്ങളും കേന്ദ്രഭരണ പ്രദേശങ്ങളും | |
|---|---|
| അരുണാചല്‍ പ്രദേശ് | ആന്ധ്രാപ്രദേശ്‌ | ആസാം | ഉത്തര്‍ഖണ്ഡ് | ഉത്തര്‍പ്രദേശ് | ഒറീസ്സ | കര്‍ണാടക | കേരളം | ഗുജറാത്ത്‌ | ഗോവ | ഛത്തീസ്ഗഡ്‌ | ജമ്മു-കാശ്മീര്‍ | ഝാ‍ര്‍ഖണ്ഡ്‌ | തമിഴ്‌നാട് | ത്രിപുര | നാഗാലാ‌‍ന്‍ഡ് | പഞ്ചാബ്‌ | പശ്ചിമ ബംഗാള്‍ | ബീഹാര്‍ | മണിപ്പൂര്‍ | മധ്യപ്രദേശ്‌ | മഹാരാഷ്ട്ര | മിസോറം | മേഘാലയ | രാജസ്ഥാന്‍ | സിക്കിം | ഹരിയാന | ഹിമാചല്‍ പ്രദേശ് | |
| കേന്ദ്രഭരണ പ്രദേശങ്ങള്‍: ആന്തമാന്‍ നിക്കോബാര്‍ ദ്വീപുകള്‍ | ചണ്ഢീഗഡ് | ദാദ്ര, നാഗര്‍ ഹവേലി | ദാമന്‍, ദിയു | ഡല്‍ഹി (ദേശീയ തലസ്ഥാന പ്രദേശം) | പുതുച്ചേരി | ലക്ഷദ്വീപ് | |
