ബാരി ജെ മാര്ഷല്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ബാരി ജെ മാര്ഷല് (ജനനം. സെപ്റ്റംബര്‍ 30, 1951, കാള്‍ഗൂര്‍ലി, ഓസ്ട്രേലിയ) വൈദ്യശാസ്ത്രത്തിനുള്ള 2005ലെ നോബല്‍ സമ്മാന ജേതാവാണ്‌. ഉദര സംബന്ധമായ അള്‍സറിനു കാരണമായ 'ഹെലിക്കൊബാക്ടര്‍ പൈലൊറി' എന്ന ബാക്ടീരിയയെ കണ്ടെത്തിയതിനാണ്‌ ബാരിക്കും സഹഗവേഷകന്‍ റോബിന്‍ വാറനും നോബല്‍ സമ്മാനം ലഭിച്ചത്‌. എരിവും അമ്ലഗുണവും കൂടുതലുള്ള ഭക്ഷണപദാര്‍ഥങ്ങളുടെ അമിത ഉപയോഗവും മാനസിക സമ്മര്‍ദ്ദവുമാണ്‌ അള്‍സറിനു കാരണം എന്നതായിരുന്നു വര്‍ഷങ്ങളായി നിലനിന്നിരുന്ന വിശ്വാസം. എന്നാല്‍ ബാരിയുടെയും റൊബിന്‍റെയും ഗവേഷണ ഫലങ്ങള്‍ അള്‍സറിന്‍റെ ചികിത്സാ രംഗത്ത്‌ വിപ്ലവകരമായ മാറ്റങ്ങള്‍ സൃഷ്ടിച്ചു. ഓസ്ട്രേലിയയിലെ വെസ്റ്റേണ്‍ ഓസ്ട്രേലിയ സര്‍വകലാശാലയില്‍ ക്ലിനിക്കല്‍ മൈക്രോബയോളജി പ്രഫസറാണ്‌ ഡോ. ബാരി മാര്ഷല്.
