രാജു നാരായണ സ്വാമി
വിക്കിപീഡിയ, ഒരു സ്വതന്ത്ര വിജ്ഞാനകോശം.
രാജു നാരായണ സ്വാമി കേരളത്തില്‍ നിന്നുള്ള ഐ.എ.എസ് ഉദ്യോഗസ്ഥനാണ്. 1989-ല്‍ ഐ.എ.എസ്. പ്രവേശന പരീക്ഷയില്‍ ഒന്നാം റാങ്ക് നേടിയതോടെയാണ് ദേശീയതലത്തില്‍ അദ്ദേഹം പ്രശസ്തിയിലേക്ക് ഉയര്‍ന്നത്. ഇന്ന് കോട്ടയം ജില്ലാ കളക്ടറായി അദ്ദേഹം ജോലിചെയ്യുന്നു. ഒരു പ്രഗത്ഭനായ എഴുത്തുകാരനായ അദ്ദേഹം വിവിധ വിഷയങ്ങളിലായി 20-ലേറെ പുസ്തകങ്ങള്‍ എഴുതിയിട്ടുണ്ട്. ഇടപ്പള്ളിയും വാന്‍‌ഗോഗും എന്ന പുസ്തകമാണ് അദ്ദേഹത്തിന്റെ പുതിയ കൃതി. [1].[2] ശാന്തിമന്ത്രം മുഴങ്ങുന്ന താഴ്വരയില്‍ എന്ന കൃതിക്ക് 2004-ലെ കേരള സാഹിത്യ അക്കാദമി പുരസ്കാരം അദ്ദേഹത്തിനു ലഭിച്ചു.[3]
ഉള്ളടക്കം |
[തിരുത്തുക] വിദ്യാഭ്യാസ പശ്ചാത്തലം
- എസ്.എസ്.എല്‍.സി യില്‍ ഒന്നാം റാങ്ക്
- പ്രീ ഡിഗ്രീ പരീക്ഷയില്‍ ഒന്നാം റാങ്ക് (ചങ്ങനാശ്ശേരി എസ്.ബി. കോളെജ്‌)
- ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്നോളജിയുടെ കമ്പ്യൂട്ടര്‍ സയന്‍സ് വിഭാഗത്തില്‍ ഒന്നാം റാങ്ക്
- ഐ.എ.എസ് പ്രവേശന പരീക്ഷയില്‍ ഒന്നാം റാങ്ക്.
- ഐ.എ.എസ് പരിശീലന സ്ഥാപനത്തില്‍ (1989 ബാച്ച്) ഒന്നാം റാങ്ക്
ഐ.ഐ.ടി മദ്രാസില്‍ നിന്ന് പഠനം പൂര്‍ത്തിയാക്കിയ അദ്ദേഹത്തിനു അമേരിക്കയിലെ വിഖ്യാതമായ മസാച്യുസ്റെറ്റ്സ് ഇന്‍സ്റ്റിറ്റ്യൂട്ട് ഓഫ് ടെക്നോളജിയുടെ ഉപരിപഠനത്തിനായുള്ള സ്കോളര്‍ഷിപ്പ് ലഭിച്ചുവെങ്കിലും അത് നിരസിച്ച് ഐ.എ.എസ് പഠനത്തിനായി പോവുകയായിരുന്നു.
[തിരുത്തുക] ഔദ്യോഗിക ജീവിതവും രാഷ്ട്രീയ വിവാ‍ദങ്ങളും
അദ്ദേഹത്തിന്റെ ഔദ്യോഗിക ജീവിതത്തിനിടയ്ക്ക് ധാരാളം രാഷ്ട്രീയ വിവാദങ്ങള്‍ ഉണ്ടായിട്ടുണ്ട്. കേരളത്തില്‍ സേവനത്തിനായി അവസരം ലഭിച്ച അദ്ദേഹത്തിന് തന്റെ രാഷ്ട്രീയ മേലാളന്മാരില്‍ നിന്ന് പലപ്പോഴും പീഢനം അനുഭവിക്കേണ്ടി വന്നിട്ടുണ്ട്. [4]
[തിരുത്തുക] അനുബന്ധം
[തിരുത്തുക] പുറത്തുനിന്നുള്ള കണ്ണികള്‍
 |
ഇന്ത്യക്കാരുടെ ജീവചരിത്രത്തെ കുറിച്ചുള്ള ഈ ലേഖനം അപൂര്‍ണ്ണമാണ്. ഇത് പൂര്‍ത്തിയാക്കി വിക്കിപീഡിയയെ സഹായിക്കുക. |
