ई.स. १९८०

Wikipedia कडून

[संपादन] ठळक घटना आणि घडामोडी

फेब्रुवारी १४ - अमेरिकेत लेक प्लॅसिड येथे तेरावे हिवाळी ऑलिंपिक खेळ सुरू.
फेब्रुवारी २२ - बर्फावरील चमत्कार - लेक प्लॅसिड येथे तेराव्या हिवाळी ऑलिंपिक खेळात अमेरिकेच्या आईस हॉकी संघाने बलाढ्य अश्या सोवियेत संघाला हरवले.
एप्रिल १२ - लायबेरियात लश्करी उठाव. सॅम्युएल डोने राज्यसत्ता हाती घेतली.
एप्रिल १८ - झिम्बाब्वेला युनायटेड किंग्डमपासून स्वातंत्र्य.
एप्रिल २४ - इराणमध्ये ओलिस असलेल्या अमेरिकेच्या नागरिकांना सोडवण्याच्या निष्फळ प्रयासात ८ अमेरिकन सैनिक ठार.
मे ५ - ६ दिवस घेराव घातल्यावर ब्रिटीश कमांडोंनी लंडनमधील ईराणच्या वकिलातीवर हल्ला चढवला.
मे ९ - फ्लोरिडातील सनशाईन स्कायवे ब्रिजला लायबेरियाच्या मालवाहू जहाज एस.एस. समिट व्हेन्चरची धडक. ३५ ठार.
मे १७ - विद्यार्थ्यांची निदर्शने रोखण्यासाठी दक्षिण कोरियात लश्करी कायदा लागू.
मे १८ - अमेरिकेच्या वॉशिंग्टन राज्यातील माउंट सेंट हेलेन्स या ज्वालामुखीचा उद्रेक. ५७ ठार. ३,००,००,००,००० अमेरिकन डॉलरचे नुकसान.
मे १८ - पेरूमध्ये शायनिंग पाथ या अतिरेकी संघटनेने मतदान केन्द्रावर हल्ला चढवून आपल्या कारवायांची सुरुवात केली.
जून २७ - एरोलिनी इटाव्हिया फ्लाईट ८७० हे डी.सी.८ प्रकारचे विमान इटलीत युस्टीका शहराजवळ कोसळले. ८१ ठार.
जुलै २८ - फर्नान्डो बेलॉँडे टेरी परत पेरूच्या राष्ट्राध्यक्षपदी.
ऑगस्ट २ - इटलीतील बोलोन्या शहराच्या रेल्वे स्थानकावर बॉम्बस्फोट. ८५ ठार, २०० जखमी.
डिसेंबर ८ - मार्क चॅपमनने न्यूयॉर्क मध्ये डकोटा बिल्डींगच्या बाहेर जॉन लेननचा खून केला.