दख्खनची राणी

Wikipedia कडून

दख्खनची राणी (इंग्रजी: डेक्कन क्वीन) ही महाराष्ट्राच्या मुंबई व पुणे या शहरांदरम्यान रोज धावणारी एक जलद (एक्सप्रेस) रेल्वेगाडी आहे. ही गाडी असंख्य चाकरमान्यांचे रोजचे प्रवासाचे साधन आहे.

अनुक्रमणिका

१ वेळापत्रक
२ गाडी क्रमांक
३ इतिहास
४ अलिकडील घटना
५ संदर्भ

[संपादन] वेळापत्रक

दख्खनची राणी पुणे स्थानकावरून दर दिवशी सकाळी सव्वासात वाजता प्रयाण करते व सव्वातीन तासांनी सकाळी साडेदहा वाजता मुंबईच्या छ्त्रपती शिवाजी टर्मिनस (सी एस टी) वर पोहोचते. तिचा परतीचा प्रवास त्याच दिवशी सायंकाळी ५:१० वाजता छ्त्रपती शिवाजी टर्मिनसहून चालू होतो व रात्री ८:२५ वाजता पुणे स्थानकावर संपतो. ही गाडी एका दिशेने १९२ किलोमीटर अंतर धावते.

[संपादन] गाडी क्रमांक

दख्खनच्या राणीचे गाडी क्रमांक २१२४ (पुणे ते मुंबई प्रवासाकरिता) व २१२३ (मुंबई ते पुणे प्रवासाकरिता), असे आहेत.

[संपादन] इतिहास

दख्खनची राणी १ जून, १९३० साली ब्रिटिश साम्राज्याच्या काळात सुरू करण्यात आली. त्या वेळेस ती फक्त शनिवारी व रविवारी धावायची. तिचा उपयोग प्रामुख्याने घोड्यांच्या शर्यतींच्या शौकिनांची मुंबई व पुण्यादरम्यान ने-आण करण्यासाठी होत. हळूहळू तिच्या सेवेचा विस्तार करण्यात आला व दख्खनची राणी रोज या दोन शहरांदरम्यान धावू लागली.

[संपादन] अलिकडील घटना

दख्खनची राणी १९९० साली खंडाळ्याजवळ रूळांवरून घसरली होती. सुदैवाने या घटनेमध्ये कोणतीही जीवितहानी झाली नाही.

३० नोव्हेंबर २००६ रोजी दलितांच्या एका संतप्त जमावाने उल्हासनगर जवळ गाडी थांबवली व प्रवाशांना बाहेर काढले. यानंतर जमावाने गाडीचे ७ डबे पेटवले. हा जमाव डॉ. बाबासाहेब आंबेडकरांच्या पुतळ्याच्या कानपुरमध्ये झालेल्या विटंबनेचा निषेध करीत होता.^[१]