साबु दस्तगीर
Wikipedia कडून
साबु दस्तगीर (जानेवारी २७, ई.स. १९२४:मैसुर जवळ कारापुर - डिसेंबर २, ई.स. १९६३:चॅट्सवर्थ, कॅलिफोर्निया) हा हॉलिवुडमध्ये सफल झालेला पहिला भारतीय अभिनेता होता.
अनुक्रमणिका |
[संपादन] चित्रपट
साबुने वयाच्या १३व्या वर्षी प्रथम सिनेमात काम केले. यानंतर अंदाजे २०-२५ सिनेमात विविध भुमिका केल्या. द थीफ ऑफ बगदाद या सिनेमातील अबुची भुमिका सगळ्यात स्मरणीय ठरली. याशिवाय जंगलबुक, मॅन ईटर्स ऑफ कुमाउं वगैरे अनेक सिनेमातील भुमिका समीक्षकांची दाद घेउन गेल्या.
[संपादन] हवाई दल
ई.स. १९४४मध्ये साबु अमेरिकेचा नागरिक झाला व अमेरिकेच्या हवाई दलात टेल गनर(विमानाच्या शेपटात बसून मोठी बंदुक चालवणारा) म्हणून रुजू झाला. अनेक वेळा लढाईत भाग घेउन त्याने डिस्टींग्विश्ड फ्लाईंग क्रॉस हे पदक (साधारणतः भारतातील महावीरचक्र) मिळवले.
[संपादन] खाजगी जीवन
साबु मैसूरच्या महाराजाच्या महावताचा मुलगा होता. हत्तीशाळा स्वच्छ करीत असताना पाश्चिमात्य चित्रपट निर्देशक रॉबर्ट जे. फ्लॅहर्टीच्या नजरेस पडला व त्याने साबुला आपल्या एलिफंट बॉय या चित्रपटात भुमिका दिली. साबुच्या नावाबद्दल मतभेद आहेत. पत्रकार फिलिप लीबफ्रीडच्या मते याचे खरे नाव सेलार शेख साबु असे होते. साबुने ई.स. १९४८मध्ये मेरिलिन कूपर नावाच्या अभिनेत्रिशी लग्न केले. त्यांना दोन अपत्ये झाली. साबुच्या मित्रमंडळीत जेम्स स्टुआर्ट, रोनाल्ड रेगन वगैरे हॉलिवुडची प्रसिद्ध व्यक्तिमत्त्वे होती.
