Baryonentall
From Wikipedia
De Baryonentall is en Quantentall un dormit en Begreep ut de Karnphysik, de sik mit de Elementardeelken befaat.
De Baryonentall is 1/3 för Quarks, -1/3 för Antiquarks un 0 för Leptonen. Baryonen as dat Proton un dat Neutron hebbt dormit de Baryonentall 1, jümmer Antideelken -1 un de Mesonen 0
Na dat Standardmodell von de Elementardeelkenphysik is de Baryonentall en afsluut Bestandsgrött, de sik mit de Tiet nich ännert. Dorüm is da liechste Baryon, dat Proton, stabil.
In veele Theorien, de över dat Standardmodell rutgaht warrt de Baryonentall aver nich as exakte Behollengrött ansehn. Dorna fallt Protonen utenanner mit de Tiet, aver mit en bannig grote Halfwertstiet.
Ok de vundaag annahmen Vörgäng von de Baryogenese, de dat Ungliekgewicht von Materie un Antimaterie in dat fröhe Universum – en Wimpernslag na den Oorknall – verklort, sett vörrut, dat de Baryonentall nich afsluut Behollen warrt.
