Bisdörp
From Wikipedia
Bisdörp is een Dörp op de Insel Fehmarn un een Stadtdeel vun de Stadt Fehmarn in den Landkreis Oostholsteen in Sleswig-Holsteen.
- Grött: ca. 502 ha.
- Inwahner: ca. 60 (2006)
- Auto-Kennteken: OH (Oost-Holsteen)
- Telefonvörwahl: 04371
- Laag: In de Mitt vun de Insel Fehmarn in de Oostsee, Naberdörper sünd Landkarken, Vadersdörp, Oostermarkelsdörp un Lempendörp.
[Ännern] Geschicht
In de Bisdörper Feldmark hebbt se bannich veel Meß un Pielspitzen ut Flintsteen funnen, wat dorop henwiest, dat hier siet Dusende vun Johren Minschen wahnen doot.
In dat Waldemar-Erdbook ward Bisdörp villa episcopi betekend. 1230 ward dat Dörp vun den König Waldemar an den Bischop von Odense op Fünen verschenkt. Hüüt noch wiest allerlei Flurnaam (z.B. Vogtssoll) vun de Bisdörper Gemarkung dorop hen, dat de Dörp mal den Bischop hört harr.
In Bisdorf hett tiedslevend de Buer, Heimatforscher un Schriever Peter Wiepert wahnt.
