Brink
From Wikipedia
De Brink weer in vele Dörper in’n Noorden vun Düütschland en faken wat höger legene Steed an’n Rand vun’t oder ok merrn in’t Dörp. He höör to de Meenheit. Bi’n Brink geev dat in’e Regel en Pool, de as Börnstell för dat Veeh bruukt worrn is. Later sünd ut vele Pööl denn Sprüttensoods worrn oder sünd hüüt total verswunnen. Ok de Dörpslinn oder -eek, bi de dat Gericht oder dat Ding afholen worrn is, stah mehrst bi’n Brink.
De Brinksitters weren de lüttsten vun de Lüüd in’t Dörp, de noch egen Land harrn.
