Wikipedia:Brukers
From Wikipedia
Bi de MediaWiki-Software, de Wikipedia bruukt, gifft dat verschedene Typen vun Brukers.
Inholtsverteken |
[Ännern] Anonyme Brukers
Jedereen, de Wikipedia opröppt un noch keen Brukerkonto hett, is en anonymen Bruker. Wenn anonyme Brukers Sieden ännern doot, denn staht in de Versionshistorie de IP-Adress, ünner de de Bruker in’t Internett ünnerwegens is.
[Ännern] Frisch anmellte Brukers
Wenn en anonymen Bruker sik anmellt, denn is he för de eersten veer Daag en frisch anmellten Bruker, bi den de Brukernaam in de Versionshistorie steiht, aver de ans jüst so as en anonymen Bruker behannelt warrt. Anners as anonyme Brukers kann de Bruker nu aver ünner Instellen de Software na egen Pläseer instellen un sik bi Spezial:Mypage/monobook.css un Spezial:Mypage/monobook.js egene CSS- un Javascript-Datein inrichten.
[Ännern] Anmellte Brukers
Wenn en frisch anmellten Bruker de eersten veer Daag rüm hett, denn is he en normalen anmellten Bruker, de nu ok anners as anonyme Brukers Biller hoochladen kann (op de plattdüütsche Wikipedia is disse Funkschoon aver ganz utschalt) un Sieden, de för anonyme Brukers sparrt sünd, ännern.
[Ännern] Sparrte Brukers
Wenn en Bruker, anonym oder ok anmellt, dör en Verhalten opfallt, dat kontraproduktiv is, denn kann en Administrater em kort sparren, dat he to Besinnung kummt, oder, wenn he dat to dull dreven hett, ok kumplett sparren, so dat he nich mehr bi Wikipedia mitmaken kann.
Anonym Bruker • Anmellt Bruker • Frisch anmellt Bruker • Sparrt Bruker
Bot • Administrater • Bürokrat • Steward • Checkuser-Bruker • Versionsputzer • Technik-Utwarker
