Cheemsch Elementen von de 15. Grupp
From Wikipedia
De Cheemsch Elementen von de 15. Grupp sünd een Grupp von cheemsch Elementen, de in dat Periodensystem ünnerenanner stahn dot. Ganz baven steiht de Stickstoff. Dorüm warrt dat mitünner ok Stickstoff-Grupp nöömt. Na den olen Naam ist dat de 5. Hööftgrupp, ober de IUPAC seggt, schallst man lever 15. Grupp to seggen.
To disse Grupp höört de Elementen Stickstoff, Phosphor, Arsen, Antimon, Wismut un dat künstliche Element Ununpentium. De eersten beiden sünd Nichtmetallen, de beiden nächsten warrt to de Halfmetallen tellt. Man de cheemsche Serie is jo nich ganz klor defineert. De beiden letzten sünd ober Metallen. De Elementen in disse Grupp hebbt gemeen, dat se all 5 Elektronen in de Butenschaal hebbt.
