Christianeum
From Wikipedia
Dat Christianeum is en humanistisch Gymnasium in Lütt Flottbek in Hamborg in’n Bezirk Altona.
Dat Krischaneum wurd 1688 as Latienschool in Altona grünnt, wat dortiets to Sleswig-Holsteen tohören dä. Sleswig-Holsteen weer dormals däänsch. Et harr dor Stiftungen vun 1725 an mit ene vandage noch belangrieke Bibliothek (Wiegendruck vun Dantes „Divina Commedia“). Et weer vun 1738 bet 1771 en Hochschool mit al Fachberieke vun de damalsche Tiet. 1864 wurd Altona en Oort in Preußen, 1937 in Hamborg. Över de Johrhunnerte harr dat Krischaneum ene Konkurrenz to’n Johanneum vun de Binnenstadt in Hamborg. De Historiker Theodor Mommsen un de Filossof Friedrich Paulsen weern ok op dat Krischaneum.
Dat dat rieke Börgerdoom an de Ilv vun Nienstedten bet Blankenese all lang siene Kinner to’n Christianeum sendt, weer för dat Niveau un de Pinunsen vun de School good. 1965 kemen de Deerns an’e School; ok Bettina Röhl weer Krischaneerin.
1969 meek de School twee nördddüütsche Ännerungen: de Schölermitberootung bi Tügniskonferenzen un dat Wahlfach Russsch an de Steede vun Greeksch. Ok 2005 kann ener dor mit Latien un Greeksch oder Russsch oder Mandarin sien Abitur moken. Dat Hin un Her vun de Schölers na Sankt Petersborg löppt gau.
