Dock
From Wikipedia
En Dock is ene Industrieanlaag up Werften för Butenarbeiden an Scheep unnerhalv vun de Waterlien. Dat Dröögdock besteiht mehrstens ut enen Haveninsnitt mit Betonwänn un ene Slüüs. Wenn dat Schipp inföhrt is, weert de Doren slaten un dat Water rutpumpt. Darbi warrt dat Schipp up Kielstapels sett.
Dat Swemmdock besteiht ut Sieten- un Boddenpontons. In de Pontons warrt Water rinlaten un denn senkt sik dat ganze Dock dal. Sowiet, dat ’n dat Schipp darin fastmaken kann. Darna warrt dat Water ut de Pontons sowiet rutpumpt, bit de babere Dockbodden freeliggt.
