Fritz Wischer
From Wikipedia
Fritz Wischer (* 27. April 1869 in Kiel; † 1949 in St. Peter) is een vun de velen plattdüütschen Schrieverslüüd, de spaaßige Geschichten schreven hebben.
Inholtsverteken |
[Ännern] Leven
Wischer, an de Oostsee op de Welt kamen, hett fröh sien Leev för de Noordseeküst entdeckt. 1912 boo he in St. Peter sien Hus Quickborn, wor he ok 1949 doodbleev. „Glück un Not gaht ehm Gang as Ebb un Flot“ weer sien Motto unner de he in sien Huus in St. Peter langtied leev.
[Ännern] Wark
Wischers nedderdüütsche Geschichten wiest för sien Tiet moderne Themen op. Dorbi hett Wischer jümmers ok sien speziellen Humor. He seggt „De gode nedderdütsche Humor lacht ni över dat Volk, nee mit dat Volk“ in sien Vorwoort to sien bekanntst Wark Lach man mal!, dat 1918 in'n Bookhannel keem und bet hüüt jümmers wedder - teihn mal - opleggt worr. De Tagesschau-Spreker Wilhelm Wieben maak later ok en Schallplatt und en Höörbook ut dit Book.
Ok en Book mit Strandgeschichten vun sien Petersdörp (un anner lustige Vertelln) hett Wischer rutbröcht.
För dat nedderdütsche Theater arbeid Wischer ok an en Översetten vun't börgerliche Truerspeel Maria Magdalena vun Friedrich Hebbel mit.
[Ännern] Ehrungen
In de Gemeen Sankt Peter-Ording warrt dat Andenken an de nedderdüütsche Schriever Fritz Wischer dör de Fritz-Wischer-Straße hoochholen.
[Ännern] Bibliographie (Utwahl)
- Lach man mal, Quickborn-Verlag, 1993
- Lach man mal, Lühr und Dircks, 1981, 9. Aufl.
- Lach mal wedder, Lühr und Dircks, 1979
- Petersdörper Strandgeschichten un anner lustige Vertelln, Lühr & Dircks, 1955
- Jochen Mähl Gedenkbook, Lühr & Dircks, 1930
- Friedrich Hebbel, Maria Magdalena (niederdeutsche Fassung), Liebhaber-Ausgabe, 1927
- Aus der meerumschlungenen Heimat, Bücherzentrale für deutsche Kriegsgefangene, 1918
