Goliathkäver
From Wikipedia
| Goliathkäver | ||||||||||
|---|---|---|---|---|---|---|---|---|---|---|
 |
||||||||||
| Systematik | ||||||||||
|
||||||||||
| Wetenschoplich Naam | ||||||||||
| Goliathus goliathus | ||||||||||
| Linnaeus 1771 |
De Goliathkäver (Goliathus goliathus) is ene Oort ut de Ünnerfamilie Cetoninae vun de Kävers.
Goliathkävers köönt bet to teihn Zentimeter lang warrn. De Klöör vun’n Chitin-Panzer ännert sik vun Käver to Käver. Welke sünd witt mit swart Gittermunster op de Flögeldecken un en poor swarte Placken un Striepen op’n Lief. Welke hebbt ok düüster rootbrune Flögeldecken. De Lief is swart mit en poor dünne witte Langsstriepen. Op’n Kopp hett he en lütten Foortsatz, op den dat Heken en gavelt Hoorn sitten hett. De Föhlers sünd kort un sünd an’t Enn en beten dicker.
De Kävers leevt in West- un Zentralafrika in de Regenwoolden un Savannen. De Deerter, de mehrst in’e Nacht aktiv sünd, sitt mehrst op de Stämm un Telgen vun de Bööm, vun de ehr Sapp se suupt. De Käver bringt bet to 110 Gramm op de Waag un is dormit dat swoorste Insekt op de Eer. De Kävers sünd bi Sammlers begehrt un dorüm temlich düer. De Larven warrt bet to föffteihn Zentimeters lang. Se leevt vun dat dode Holt.
