Griepswohld
From Wikipedia
Griepswohld (ook Gryps nöömt, op hoochdüütsch Greifswald) is een ole Hansestadt in Mekelnborg-Vörpommern.
De Stadt liggt glieks södlich vun de Insel Rügen. Se liggt an den Ryck Fluss, de in den Griepswohlder Bodden geiht.
- Inwahners: 55 000
- Kfz-Teken: HGW
[Ännern] Historie
Griepswohld geiht op dat Kloster Eldena trüch, den sien Ruinen vun den Moler Caspar David Friedrichs faaken molt worn sünd. Al in 1248 ward vun Griepswohld as Oppidum Gripheswaldis schrewen. Anno 1250 kreeg de Stadt dat Lübsche Stadtrecht. Weer ook een wichtige Stadt vun de Hanse.
Griepswohld hett een vun de öllsten Universitäten in Norddütschland. De Börgermeester Rubenow hett de Ernst Moritz Arndt-Universität in’t Johr 1456 gründt.
In den Dörtigjohrigen Kreeg keemen de Sweden. Ok na den Freeden vun 1648 wer Griepswohld swedsch, so as Stralsund un Rügen un anner Deelen vun Vörpommern. De swedschen Keunige weern denn ook düütsche Rieksförsten. In 1815 güng dat denn an Preußen.
Na den tweeden Weltorlog wöör Griepswohld denn an de Sowjetsche Besetter gahn un höör denn to de DDR.
Griepswohld hett dree groote Karken ut Backsteen: Den Dom St. Nikolai, St. Marien, St. Jakobi.
[Ännern] Beröhmte Griepswohlder
- Caspar David Friedrich (1774-1840), Moler ut de Romantik
- Hans Fallada (1893-1947), Schriewer
