Harm
From Wikipedia
Harm ( ok Harmen un Hermen) is en plattdüütschen un freeschen Vörnaam för Jungs. Hüüt is de Naam roor, aver warrt doch noch bruukt.
[Ännern] Herkamen
Harm kummt vun den olen germaanschen Naam Hermann. Dor steekt de beiden germaanschen Wöör heri (dat heet Heer) un man (Mann) in. De Naam bedüüdt denn soveel as Krieger.
De plattdüütsche Naam is eenfach een beten körter maakt un de Ennen wegfullen.
[Ännern] Fundöörd
- 1656 in Olenesch in dat Land Oldenborg (Hermen)
- 1766 in Kronenborg (Harm)
[Ännern] Tonaams
Vun düssen Vörnaam kaamt de plattdüütschen Tonaams Harms, Harmsen un Harmssen her. De bedüüt denn soveel, as Ut Harm sien Familie oder Vun Harm sien Hoff. De Naam Harms is in dat Rebeet, wo Noordneddersassisch spraken warrt faken. Noch fakener is he in Oostfreesland.
Kiek ok na bi de List vun plattdüütsche Vörnaams.
