Henry Vahl
From Wikipedia
Henry Vahl (* 26. Oktober 1897 in Stralsund; † 21. Juli 1977 in Hamborg) weer een düütschen Schauspeler.
Bekannt wurrn is he dör sien Uptreden bi't Ohnsorg-Theater in Hamborg, wat hüm de Beteknung Volksschauspeler inbrocht hett.
Johren lang hett he sück aber meeste mit de Schauspeleree quasi dörschlahn, he stunn meest blots in de twete Rieg. 1958 harr he Glück un he kunn för een Kolleg inspringen, der krank wurrn weer. Dat weer an't Ohnsorg-Theater. De Rull van de komische un kauzige oll Kerl weer so richtig wat vör hüm un dann kunn he in över 100 Rullen ok nahwiesen. Dorbi weer he immer facettenriek un so'n beeten dört Ohr brennt. Dor de Ohnsorg-Stücke ok völ in't Fernsehn wiest wurrn, kenn man hüm in de ganze Bundsrepublik. Dorüm hett he 1967 ok de Utteknung Bronzener Bildschirm kregen. In de Spöltiet 1971/72 hett he sück aber mit sien Baas vertört un he hett dat Theater verlaten.
Een anner groot Böhnenfigur weer für hüm de Zitronenjette in't Hamborger St. Pauli-Theater, de he van 1973 bit 1975 200 mal spölt hett. Dorbi weer he eegentlich mehr een Laienspöler. Dat is faken passeert, dat he sien Text vergeeten harr, aber he kunn good improviseeren, aber sien Kollegen mussen dat den aber ok, wat nich immer ganz eenfach weer.
Henry Vahl is up de Ohlsdorfer Karkhoff begraben.
[Ännern] Stücke
- Meister Anecker, 1958
- Opa wird verkauft, 1961 von Günther Siegmund mit Henry Vahl as Grootvader
- Vater Philipp, 1963 mit Heidi Kabel
- Kein Auskommen mit dem Einkommen, 1966 mit Edgar Bessen
- Tratsch im Treppenhaus, 1967 mit Heidi Kabel
- Die Kartenlegerin, 1967 mit Heidi Kabel
- Verteufelte Zeiten, 1968 mit Heidi Kabel
- Schneider Nörig, 1969
- Der Bürgermeisterstuhl, 1969 mit Heidi Kabel
- Der möblierte Herr, 1971 mit Helga Feddersen
- Mein Mann der fährt zur See, 1971 mit Heidi Kabel
[Ännern] Filme
- Der Rat der Götter, 1949/50
- Der Engel, der seine Harfe versetzte, 1958/59
- Lampenfieber, 1959/60
- Ein Mann geht durch die Wand, 1959
- Unser Haus in Kamerun, 1961
- Schneewittchen und die sieben Gaukler, 1962
- Stahlnetz - Das Haus an der Stör, 1963
- Landarzt Dr. Brock, 1967
- Unser Willi ist der Beste, 1971
- Und der Regen verwischt jede Spur, 1972
- Grün ist die Heide, 1972
- Frühling auf Immenhof, 1974
