Hinnerk
From Wikipedia
Hinnerk (ok Hinderk, Hinrich un Henrich) is een plattdüütschen Vörnaam for Jungs.
[Ännern] Herkamen
Hinnerk kummt vun den olen düütschen Naamen Heinrich vun her. Noch öller is de Form Heimrich, de in ole Urkunnen just to de Tiet verswinnen deit, as de Naam Heinrich upkümmt. In düssen Naamen steekt de beiden Wöör heim (dat heet tohuus oder Huus) un rîhhi (dat heet riek oder mächtig) in. De Naam Heinrich heet denn so veel, as Herr in't Huus oder De up'n Hoff dat Seggen hett oder ok De öber Huus un Hoff regeern deit.
[Ännern] De plattdüütsche Naam
De plattdüütsche Form vun Heinrich is anunforsik Hinrik oder Henrik. Dor is denn de Naam Hinnerk oder ok Hinderk vun wurrn. In latere Tieden, as so üm un bi 1600 de hoochdüütsche Spraak de Spraak for de betern Lüde wurrn is, dor plieren ok de Plattdüütschen dorhen un mengeleeren wat vun dat Hoochdüütsche in jem ehre plattdüütschen Naams mit rin, vunwegen datt se ok wat Beters vörstellen wullen. Up düsse Aart keem dat hoochdüütsche Anbacksel(Suffix) -rich an de Stäe vun dat plattdüütsche Anbacksel -rik oder -erk. So is dor denn de Naam Hinrich oder ok Henrich vun wurrn. Een Smusenaam vun Hinnerk is de Vörnaam Henneke.
[Ännern] Plattdüütsche Tonaams
Vun düsse plattdüütschen Vörnaams kaamt nu ok de plattdüütschen Tonaams Hinners, Hinnersmann, Hinrich, Hinrichs un Hinrichsen vun her. De bedüüt so wat, as Ut Hinnerk (Hinrich) siene Familie oder Vun Hinnerk (Hinrich) sienen Hoff.
Kiek ok nah bi de List vun plattdüütsche Vörnaams
