Inbitter
From Wikipedia
Inbitters weren fröher de Lüüd, de bi Hochtieden un Lieken vun de Bruutlüüd oder de Angehörigen anhüert warrn sünd un vun Huus to Huus güngen, de Naverslüüd, Verwandten un Bekannten intoladen. In jedet Huus segg de Inbitter sien lütt Vers op. Ok bi de Fier sülvst weer he mit togang un help bi dat Organiseren, soorg dorför, dat dat good wat to Eten geev un dat bi de Fier ans ok allens kloor güng.
Vele Dörper harrn en egenen Inbitter, de faken een vun de lütten Buern weer, de so en lütt Tobroot harr.
