Johann Diedrich Bellmann
From Wikipedia
Johann Diedrich Bellmann (* 8. Mai 1930 in Ruschwedel; 25. Juni 2006 in Nindörp) is en plattdüütschen Schriever.
Bellmann is in Ruschwedel as Söhn vun en Buurn boren un in Nindörp opwussen. Dor güng he vun 1936 bet 1941 ok op de Volksschool, bet 1950 denn na Oberschool in Buxthuud. He hett vun 1950 af an Theologie un Germanistik in Tübingen, Heidelbarg, Göttingen un Wien studeert, vun 1954 bet 1956 aver en Puus maakt. In disse Tiet arbeidt he as Bargmann in Neukirchen, as Landarbeider un as Schippsjung un güng en Tiet na Regieschool in Wien. He weer denn vun 1960 af an Studienreferendar, siet 1962 Studienraat un Studiendirekter in Hamborg un vun 1968 af an an’t Staatliche Studienseminar as Fachleider för Religion arbeidt. 1970 bet 1973 weer he Studiendirekter in Heide. Vun 1973 af an weer he Dozent an de Theoloogsche Akademie Celle-Hermannsborg. As se de Akademie oplösen deen, hebbt se Bellmann freestellt, dat he an’t plattdüütsche Gesangbook arbeiden kunn. Vun 1982 af an leev he wedder op’n arvten Öllernhoff in Nindörp un hett veel schreven un blangenbi Bueree dreven. Ok bi de Tietschrift De Kennung hett he veel mit daan.
2004 hett he den Nedderdüütschen Literaturpries vun de Stadt Kappeln kregen. Na sien Book Lüttjepütt is de Lüttjepütt-Pries nöömt. He hett ok den Fritz-Reuter-Pries kregen, den Klaus-Groth-Pries, den Quickborn-Pries un den Ehrenbreef vun de Fritz-Reuter-Sellschop.
[Ännern] Warken
- Inseln ünner den Wind. Hinstorff, Rostock 1964, ISBN 3-356-00620-7
- Plattdeutsche Erzähler und plattdeutsche Erzählungen der Gegenwart. (mit Wolfgang Lindow) Wachholtz-Verlag, Neemönster 1968
- Lüttjepütt oder In Grootvadder sien Hüüs. Hinstorff, Rostock 1983, ISBN 3-356-01086-7
- Margareta Jansen - De letzte Professa. Hinstorff, Rostock 1998, ISBN 3-356-00788-2
- Paradiestiet. Hinstorff, Rostock 2004, ISBN 3-356-01015-8
[Ännern] Weblenken
- Indrag to den Schriever in de PBuB (hoochdüütsch)
