Küstenkanaal
From Wikipedia
De Küstenkanaal is ene wichtige Waterstraat för den Schippsverkehr twüschen de Werser un de Ems. In twee Slüsen, ene in Ollnborg un ene anere in Dörpen, köönt de Schepen de unnerscheedlichen Waterstännen in Hunte, Kanaal un Ems överwinnen.
Van Ollnborg geiht de Weg för de Schipperee wieter dör de kanaliseerte Hunte bit na de Werser bi Elsfleth. De Kanaal warrt spiest dör de Vehne, de Soeste, de Marka un de Ohe. De Thülsfelder Daalsparr stellt dat seker, dat in dröge Tieden jümmers noog Water dar is. De Vehne, de Soeste un de Sater Ems weert in Dükers unner den Kanaal dörföhrt. Neven den Kanaal verloppt in ene Längde van 60 Kilometer de Küstenkanaalstraat B 401. 26 Brüggen föhrt över den Kanaal, darvan fief alleen in dat Stadtrebeet van Ollnborg.
