List mit Fehlers
From Wikipedia
Inholtsverteken |
[Ännern] Hoochdüütsch as Moderspraak
Disse eerste Afsnitt is för Lüüd dacht, de Hoochdüütsch, aver keen Plattdüütsch, as Moderspraak snackt, aver villicht ok för anner Lüüd intressant.
[Ännern] 1./2./3. Person Plural - Indikativ
Up Hoochdüütsch sünd bi de Verben tomehrst de 1./2./3. Person Plural (Mehrtall) in dat Präsens (Nutiet) un de Indikativ (Grundfoorm) datsülve. Up Platt maakt wi en Ünnerscheed: Dat Verb in den Indikativ hett jümmer noch de Ennen „-en“, aver de Pluralennen (Mehrtallennen) in de Nutiet is tomehrst „-t“ un hett faken ok en annern Woortstamm (so as in den Singular (Eentall)), t.B.
- denken - ik denk, du denkst, he/se/et denkt, wi/ji/se denkt
- maken - ik maak, du maakst, he/se/et maakt, wi/ji/se maakt
- mellen - ik mell, du meldst, he/se/et meldt, wi/ji/se meldt
- schuven - ik schuuv, du schuffst, he/se/et schufft, wi/ji/se schuuvt
[In welke Mundoorden hebbt der Wöör woll in den Plural „-en“ as Ennen, aver dat is nich de Hööftform.]
[Ännern] Anhangen S in den Plural
In vele Fäll warrt in dat Plattdüütsche de Ennen „-s“ bruukt, üm den Plural (de Mehrtall) van en Woort to schapen. Aver: Welke Wöör hebbt in dat Plattdüütsche al ne annere Ennen, t.B.
- Land - Länner
- Spraak - Spraken
Da hett denn en „-s“ nix mehr to doon. (Verkehrt(!) is t.B. Länners.)
[Ännern] Strieken van de Sülv „ge-“ in de verleden Tiet
De Vörsülv „ge-“ warrt in dat Plattdüütsche (bit up siene „Formen“ in de Nedderlannen) nich bruukt. Wenn du hier wat schriffst, denn denk daran, of du di na den Sass, de hier tomehrst bruukt warrt, (oder en annern „Dialekt“ ut Düütschland) richtst! Denn is dat („ge-“) mit Sekerheit verkehrt.
[Ännern] Anneret
- Acht ok up den Ünnerscheed twischen de verleden Tiet un de Nutiet!
- Acht ok dorup, dat sien un warrn ünnerscheedliche Wöör sünd, un verwessel se nich (sünnerlich in de „beugte Formen“)!
- „wie“ gifft dat nich up Platt - dat heet „as“, „wat“, „wo“ oder „woans“.
- Wenn di wat anneret upfallt, wat hier jümmer wedder verkehrt maakt warrt, denn schriev dat man ok hier rin! (Blots wenn een siene Fehlers kennt, kann een se ok utbetern...)
- Dat gifft ok en Artikel Plattdüütsche Grammatik, in den du vele Dingen, as to't Bispeel dat Billen van de Mehrtall oder van de verleden Tiet, nalesen kannst.
Up jeden Fall gellt: Wenn du nicht weetst, woans een dat schrifft, dann kiek dat beter in en Wöörbook, t.B. in den „Sass“ (Fehrs-Gilde: Der neue Sass - Plattdeutsches Wörterbuch, 3. Auflage, Wachholtz Verlag, Münster, ISBN 3-529-03000-7), un ok bi den Artikel Plattdüütsche Grammatik na, sünnerlich, wenn du en langen Text schriffst. Oder fraag di dat na! :-)
