Ostwestfalen-Lippe
From Wikipedia
Austwestfaolen-Lippe is eine Giögend in Westfalen in dat Bunnesland Nordrhuin-Westfoalen. Ostwestfalen-Lippe is datsülve os de Regierungsbezirk Detmold un ümmefaßt de Kruise Gütsel, Hiarwede, Höxter, Lippe (froiger: Detmold), Minnen-Lübbke, Paderbuorn un de kruisfruie Stadt Builefeld.
Vor 1800 gaw´t dao de Länners Häerschop Reie, Amt Reckenbiärg (to´t Haugstift Ossenbrügge), Graofschop Rittbiärg, Haugstift Paderbuorn, Graofschop Ravensbiärg, Förstsabtei Corvey, Rieksabtei Hiarwede, Förstendom Lippe un Förstendom Minnen.
Ostwestfalen-Lippe hadde annen 30. Juni 2004 2.071.642 Inwuohners. Viöle Duile send dichte bevölkert, oawer et giff äok ne Menge "Giögend", t.B. innen Kruis Höxter. Wichtige Verkehrsknäodenpünkte send Builefeld, Paderbuorn, Minnen un Bad Oeynhausen. In Büren-Ahden innen Kruis Paderbuorn ligg de Fläoghoaben Paderbuorn/Lippstadt.
Inoffiziellet Woahrteiken van Ostwestfalen-Lippe is dat Hermannsdenkmoal in Hiddesen bui Detmold.
