Philipp Heinrich Erlebach
From Wikipedia
Philipp Heinrich Erlebach (* 25. Juli 1657 in Esens/Oostfreesland, † 17. April 1714 in Rudolstadt (Döringen)) weer een Komponist ut de Tiet, de Barock nömt wurrn.
Sien Utbilden hett he wohrschienlich an de Oostfreeschen Hoff in Auerk kreegen, wiels sein Vader dor all as Hoffmusiker anstellt weer. De Verwandtschop van dat Herrscherhuus Cirksena mit de döringsche Residenzen hebbt woll dorto bidragen, dat he een Anstellung an’t Hoff van de Graf Albert Anthon von Schwarzburg-Rudolstadt kreegen hett, wor he denn 35 Johr lang arbeit hett.
In disse Tiet hett he de lüttje Residenzstadt to een Zentrum för dat musikalsche Leben makt. Sien över 1000 Kompositschonen bestunnen ut Orchester- und Kammermusik, Opern, Kantaten un Oratorien. To sien Tiet weer he een van de bedüüdenst Komponisten.
Sien Weetfro Elisabeth Catharina hett nah sien Dood de musikalsch Nachlass an de Rudolstätter Hoff vermaakt. De gröttste Deel van sein Kompositschonen is aber 1735 bi een Brand van dat Sloot in Rudolstadt mit afbrennt un Erlebach is musikalsch dornah meest vergeeten wurrn. Sein musikalsch Arv wurrd hüdtodag in Esens (dor is ok een Straat nah hüm nömt wurrn) un in Rudolstadt uprecht hollen. Etwa 70 van sein Kompositschonen sünd bi dat Füer domals överbleben, deelwies aber blots handschriftlich.
In sien letzt Johren hett he meest as Musikschoolmester arbeit.
[Ännern] Literatur
- Bernd Baselt: "Die Musikaliensammlung der Schwarzburg-Rudolstädtischen Hofkapelle unter P. H. Erlebach", in: Traditionen und Aufgaben der Hallischen Musikwissenschaft, hrsg. Walther Siegmund-Schultze. Halle 1963, S. 105-134
