Rieck-Huus
From Wikipedia
Dat Rieck-Huus is dat öllste, vundoog noch stahnde nedderdüütsche Fachwarkshallenhuus vun Veerlannen in'n Bezirk Bardörp. Dat Huus hebbt se all 1533 boot. Mit de Tiet is dat Huus 'n beten röög worn un in 't Johr 1949 hebbt se all'ns bannich op Schick brocht. Fief Johren loter weer dat denn en Butensteed vun 't Altonaer Museum. Tohoop mit en Schüer, en Sossruten-Haubarg, en Backhuus un en Kokerbockmöhl - för de Affpumperee vun dat Water achtern Diek - steiht de Anlaag in Curslack. De Möhl is tweehunnerttwintich Johr oolt un is 2004 ok renoveert worrn.
Över 22.000 Lüüd hebbt dat Huus 2005 ankeeken, wiel dat gode Insichten in de buerlich Kultur un dat Tohoopleven vun Minschen un Deerten ünner een Dack gifft.
Wokeen dat mal sülvst beleven wull, de mut dor mal hengahn. To finnen ist dat Huus in de Curslacker Diek 284. De Oppassersch verklookfiedelt de Besökers ok de Bedüden vun de olen Sprickwöör, to'n Bispeel „In's Fettnäpchen treten“ or „Auf die Hohe Kante legen“.
|
De Biller sünd vun dat Rieck'sche Huus in Corslack in Veerlannen. Hüüt is dat en Deel vun't Altonaer Museum. Mit de Möhl warrt Water butendieks pumpt. Se is dit Joohr överhaalt wurrn, nu löppt se wedder...
|
 Buernhuus in Corslack, höört Familie Rieck to. |
 Kokerbockmöhl mit de Buerngoorn bi dat Rieck'sche Huus |
 Rieck'schet Huus in Veerlannen |
