Scott Glenn
From Wikipedia
Scott Glenn (vullstännig: Theodore Scott Glenn; * 26. Januar 1941 in Pittsburgh, USA) is en US-amerikaansch Schauspeler.
Inholtsverteken |
[Ännern] Privatleven
Boren is Scott Glenn in’n US-Bundsstaat Pennsylvania as Söhn vun Elizabeth Glenn. He hett Irische un amerikaansche Vörfohren. Opwussen is he denn in Appalachia. Wiel sien Kinnertiet is Glenn faken, meist regelmatig krank wesen un hett ok dull hinkt. För en ganz Johr müss he sogors dat Bett höden. Mit de Tiet hett he sien Süük aver överwunnen.
Scott Glenn is siet 1976 mit Carol Swartz verheiraad un hett twee Kinner.
[Ännern] Beroplich Karriere
Glenn hett an’n William and Mary College studeert un hett denn dree Johr bi de US Marines deent. Een poor Maanden hett he ok as Reporter bi dat Daagblatt Kenosha Daily Tribune arbeidet. 1965 harr he sien Debut an’n Broadway un arbeidt dorna in New York an’t La MaMa Experimental Theatre. Af 1968 speel he denn in’n The Actors Studio un hett sien Arbeit an’n Theater nu op professchonellere Wies bedreven un füng ok an mit eerste Saken bi’t Fernsehn.
De eerste Filmrull Kreeg Scott Glenn 1970 in den Film The Baby Maker. He töög denn üm na Los Angeles un hett later ok in en Theater in Seattle speelt. Aver Glenn hett ok in mehr as 70 Filmen mitspeelt, man tomeist mehr in Nevenrullen an de Siet vun beropen Hollywood-Stars. Dorünner weern naamhaftig Filmen as The Hunt for Red October (dt.: Jagd auf Roter Oktober, 1990), The Silence of the Lambs (dt.: Das Schweigen der Lämmer, 1991), Backdraft (dt.: Backdraft – Männer, die durchs Feuer gehen, 1991) oder Absolute Power (1997).
[Ännern] Filmrullen (Utwahl)
- 2005: Code Breakers, TV
- 2001: Training Day
- 2001: The Shipping News (dt.: Schiffsmeldungen)
- 2001: Buffalo Soldiers (dt.:Army Go Home!)
- 2000: Vertical Limit
- 1999: The Virgin Suicides (dt.: The Virgin Suicides – Verlorene Jugend)
- 1997: Absolute Power
- 1996: Courage Under Fire (dt.: Mut zur Wahrheit)
- 1994: Night of the running man
- 1993: Extreme Justice
- 1993: Shadowhunter
- 1992: The Player
- 1991: Backdraft (dt.: Backdraft – Männer, die durchs Feuer gehen)
- 1991: The Silence of the Lambs (dt.: Das Schweigen der Lämmer)
- 1990: The Hunt for Red October (dt.: Jagd auf Roter Oktober)
- 1988: Off Limits (dt.:Saigon)
- 1985: Silverado
- 1985: Wild Geese II (dt.: Wildgänse II – Sie fliegen wieder)
- 1984: The River (dt.: Menschen am Fluss)
- 1983: The Right Stuff (Der Stoff, aus dem die Helden sind)
- 1983: The Keep (Die unheimliche Macht)
- 1982: The Challenge (dt.: Wenn er in die Hölle will, laß ihn gehen)
- 1980: Urban Cowboy
- 1979: Apocalypse Now
- 1970: The Baby Maker (dt.: 100 Dollar mehr, wenns ein Junge wird)
[Ännern] Websteden
- Scott Glenn in de Internet Movie Database
