Wikipedia:Standards
From Wikipedia
De plattdüütsche Wikipedia will een "Enzyklopädie" ween. Dat heet ok, dat de Artikels good noog ween schöölt. De bruukt nich perfekt to ween. Man dat gifft 'n poor Saken, da kannst Du oppassen, dann geiht dat för alle Lüüd lichter.
Dat heet:
- Wenn Du en niegen Artikel anfangst, dann överlegg di den Titel goot. Dat is möglich, en Artikel later to verschuven, man beter is, dat is glieks richtig. In de Twischentiet hebbt annere Lüüd villicht op dien Artikel verlinkt un dann is nich bloots dien Artikel to verschuven man de annere Artikel mutt dann ok anpasst warrn.
- 'N gode Idee is ok, Artikel ut de hoochdüütsche oder ut de Ingelsche Wikipedia to översetten. Dor kann een denn kieken, wat en goden Artikel an Inholl hebben kann.
- Wenn Du en Wort nich weten deist, un dien Lexikon di nich antern kann, dann fraag toeerst op Wikipedia:Mi fehlt dat Woort. Nimm nich eenfach 'n hoochdüütsch Woort, bloots weil di nix beters infallt. We hebbt al vele Artikels, de 'n Mischmasch ut Platt un Hoochdüütsch sünn. Dor wullt wi nich noch mehr vun hebben.
- Denk ok 'n beten över de Rechtschrieven na. De Mehrtall vun den Schrieverslüüd hier denkt, dat de Regel na "Sass" 'n goden Anfang sünd. Dat heet nich, dat du dat jümmers so maken muttst. Man dat weer nett, wenn Du dat ok maakst. Un wenn nich, dann kann di dat passeren, dat jichtenseen kummt, dien Artikel leest un den dann "sassifizeert". Dann schallst Du dik nich beklagen, wi hebbt di dat ja vörher vertellt.
- De Artikel schall tominnst een Interwikilink hebben. Dat geiht t.B. so: de Artikel över "Book" hett ünnen den Text [[de:Buch]]. Dann wiest de Siet Book ünnen links 'n Kasten "Annere Spraken" un hett "Deutsch" linkt na "Buch". Dat is noog, wenn Du den Interwikilink för Hoochdüütsch oder Ingelsch indräägst. Un du bruukst ok de hoochdüütsche oder de ingelsche Siet nich to ännern. Wi hebbt en Programm, den Wikipedia-Robot, de kiekt sik dat dörch un de schrievt dat dann in de annere Sieden rin, wat dat noch an Interwikilinks gifft. Man een Link bruukt he, üm den Anfang to finnen.
- Wenn Du en Artikel schriffst, wo dat keen hoochdüütschen Artikel un ok keen Ingelschen Artikel gifft, dann is dor wohl wat verkehrt. De Ingelsche Wikipedia hett nu över 1.300.000 Artikels un de hoochdüütsche över 450.000 Stück. Utnahm is villicht, wenn dat spezielle Saken över de plattdüütsche Spraak sünd. Man sünst is de Schangs groot, dat dor wat verkehrt is.
- 'n niegen Artikel schall ok en Kategorie hebben. Vör de Kategorien is dat goot, sik de Kategorien op de hoochdüütsch un de ingelsche Wikipedia antokieken. Villicht kannst du dat liek maken.
