Trina
From Wikipedia
Trina (ok Trine) is en plattdüütschen Vörnaam för Deerns
[Ännern] Herkamen
Trina kümmt vun den Naam Katharina vun her. Katharina kümmt woll vun den greekschen Naam aikaterine her. En weet nich genau, ob düsse Naam wat mit dat Woort hekateros („jede vun de beiden“)to kriegen hett oder mit den Naam vun de Göddin Hekate. De Römers hefft annahmen, de Naam keem vun dat Adjektiv kataros („rein“). Denn schall de Naam woll heten „De reine Deern“. Man dat stimmt nich.
[Ännern] De plattdüütsche Naam
As dat bi de Plattdüütschen begäng weer, is vun den Naam Katharina eerst mol en korte Form maakt wurrn. De eerste Sülv Ka is wegfullen. Denn bleev Tharina öber, dat is tosamentrucken wurrn. Dor keem denn Trina bi rut. Later is dort noch de Smusenaam Trientje vun maakt wurrn.
Kiek ok bi: List vun plattdüütsche Vörnaams
