Wilhelm Bornemann
From Wikipedia
Johann Wilhelm Jakob Bornemann (* 2. Februar 1766 in Gardelegen; † 23. Mai 1851 in Berlin) weer en plattdüütschen Schriever un Dichter.
As Söhn vun en Koopmann in Gardelegen boren, keem Bornemann 1784 mit siene Familie na Berlin, wo he op dat Gymnasium zum Grauen Kloster güng. Vun 1794 an arbeidt he as Sekretär bi de königlich preußische Staatslotterie. Later weer he Direkter bi de Lotterie un harr vun 1806 an den Titel vun en Geheimen Sekretär. Vun 1801 an weer he bi de Berliner Singakademie vun Carl Friedrich Christian Fasch mit togang. Ok bi de Ledertafel vun Carl Friedrich Zelter weer he vun Anfang an mit dorbi. Bet 1814 harr he dat Leid över de Turnanstalt in Berlin, dat denn Friedrich Ludwig Jahn övernahmen hett. 1810 un 1816 kemen in twee Bänn siene Plattdeutsche Gedichte rut. 1844 hett he sik to Roh sett. De Humoristischen Jagdgedichte sünd eerst rutkamen nadem he doodbleven weer.
He is de Vader vun den preußischen Justizminister Friedrich Wilhelm Ludwig Bornemann wesen.
De Bornemannstraten in Berlin un Gardelegen sünd na em nöömt.
[Ännern] Warken
- Plattdeutsche Gedichte. Berlin 1810
- Gedichte in plattdeutscher Mundart. 1843
- Die Zeltersche Liedertafel, ihre Entstehung, Stiftung und Fortgang nebst einer Auswahl von Liedertafel-Gesängen und Liedern. 1851
- Plattdeutsche Gedichte. 1854
- Humoristische Jagdgedichte. 1855
[Ännern] Weblenken
- Indrag to den Schriever in de PBuB (hoochdüütsch)
