Wilhelm Schröder
From Wikipedia
Wilhelm Schröder (* 1808 in Olendörp; † 1878 in Leipzig) weer en düütschen Schriever.
Schröder is 1808 as Söhn vun’n Schoolmester in Olendörp boren un leev vun 1837 bet 1867 in Hannober.
He weer dat, de 1840 as de Eerste dat Määrken vun Dat Wettloopen twischen den Haasen un den Swinegel up de lütje Heide bi Buxtehude opschreev un in’t Hannoversche Volksblatt to Poppeer bröch (Utgaav vun’n 26. April 1840). Al 1843 hebbt de Bröder Grimm de Geschicht in ehr Grimms Hausmärchen rinbröcht un so bekannt maakt. Schröder harr dat Määrken vun Lüüd ut Bexhövede höört. In de opschrevene Version hett Schröder denn den Oort to Buxhud ännert, wat 70 Kilometer vun Bexhövede weg is; wat de Grund weer, weet wi nich mehr.
In Olendörp is de Wilhelm-Schröder-Straat (Wilhelm-Schröder-Straße) na em nöömt.
