येँ
विकिपिडिया नं
येँ (पुलाँ भाय्: ञे) नेपा: यागु राजधानी व दकले तधंगु सहर ख:। थ्व सहर नेपाः स्वनिगले ला। येँ धाय् बिले येँ जिल्ला, स्वनिग, येँ महानगरपालिका, पुलाँगु येँ (थ:ने व कोने) धागु यक्व थाय् यात ईंगित याये फु।
[सम्पादन] इतिहास
स्वयम्भू पुराण कथं मंजुश्री नं कच्छपाल गुँयात चन्द्रह्रास खड्ग नं पाला बिज्याना स्वनिगले बस्ती न्ह्येथना दिल। वेकलं मन्जुपट्टन धका छगु थाय् (आयागु मजिपाः) य् नेपाःगा यागु दक्ले न्हापांगु बस्ती देका बिज्यावन। लिपा थ्व थाय् दक्षिण कोलीग्राम जु वन व कोलीग्राम धागु छगु सापूतेगु बस्ती उत्तरय् दया वल। जुजु गुणकामदेव नं थ्व निगु थाय् यागु दथुई लाक्क येँयागु पलिस्था याना दिल व १०,००० खा छें दुगु छगु नगर देका दिल। मल्लतेगु राज्य विभाजन जुइ धुंका थ्व थाय् कान्तिपुर राज्ययागु राजधानी जुल। पृथ्वी नारायण शाह नं थ्व देय् त्याये धुंका थ्व थाय् यात नेपाःयागु राजधानी देका दिल।
[सम्पादन] थाय् तः
येँय् दुगु मू थाय् तः थ्व कथलं दु-
- येँ लायकू
- स्वयम्भूनाथ चैत्य
- पशुपतिनाथ देगः
- बौद्धनाथ चैत्य
- कोने व थ:नेयागु बहातः
- धरहरा
- तीन्ख्य
- लानिपुखु
- कमलपुखु
- न्हु सतक
- नारायणहिटी लायकू
- सिंहलायकू
