Fortran

Frå Wikipedia – det frie oppslagsverket

Fortran er eit programmeringsspråk, og blir gjerne rekna som det første reelle programeringsspråket, sidan det ikkje var basert på maskinsspråket til maskinen det var laga for, men kunne i prinsippet (og seinare i praksis) blir flytta til og brukt på datamaskinar av ulik type frå den programmet vart utvikla for.

Innhaldsliste

1 Historie
2 Fortran i dag
3 Døme på programmering i Fortran
- 3.1 Hei verd!
- 3.2 Arealet til ein sylinder

[endre] Historie

Fortran vart utvikla av ei gruppe leda av John Backhus, som utvikla den første Fortran-kompilatoren for IBM sin datamaskin modell 704 i perioden 1954-1957. Sjølve namnet er ei forkorting for FORmula TRANslation. Språket vart svært populært, og vart snart brukt til ei rekke formål. Fortrankompilatorar vart utvikla for mange ulike typer datamaskiner. Sidan fortrankompilatorane som vart utvikla ikkje var heilt kompatible, kunne ein ikkje flytte eit program over til ei anna maskin utan å omarbeide det. Med tida oppretta den amerikanske organisasjonen for standarder (ANSI) ein komité som skulle lage ein standard for Fortran, slik at eit Fortranprogram som fulgte standarden skulle kunne fungere på ein kvar Fortrankompilator. Denne kommitéen skulle vore ferdig i 1966, men vart ferdig nokre år seinare. Standarden vart likevel kjend som FORTRAN 66. Seinare kom det utvidingar av standarden kalla FORTRAN 77, Fortran 90, Fortran 95 og Fortran 2003.

Fortran var særleg populært i vitenskapelege miljø og blant ingeniørar, som i meteorologi, styrkeberekning, styresystem i tungindustri, kraftverk og romfart, men i mindre grad i administrative system. Fortran var det dominerande programeringsspråket i fleire tiår frå det vart utvikla, og er forsatt eit av dei vanligaste programerinsspråka i bruk.

[endre] Fortran i dag

Sjølv om Fortran 90 og seinare versjonar har tilført mange eigenskapar ein ventar seg av moderne programeringsspråk, så blir Fortran likevel rekna av mange som eit gamaldags programeringsspråk. Ein grunn er at det meste av koden som er i bruk i dag, er kode utvikla for lenge sidan, før språket vart modernisert. Historisk sett hadde ein heller ikkje så kraftige datamaskiner som no, slik at det var viktigare at programma var raske enn at dei var lette å forstå. Svært lite ny programvare blir laga i Fortran.

[endre] Døme på programmering i Fortran

[endre] Hei verd!

Eit enkelt døme på å gi ei skjermmelding som kan bli kompilert og kjørt med einkvar Fortran 90- eller 95-kompilator.

program hallo
print*,"Hei verd!"
end program hallo

[endre] Arealet til ein sylinder

Dette programmet rekner ut arealet til ein sylinder og kan bli kompilert og kjørt med einkvar Fortran 90 eller 95 kompilator. Teksten som fylgjer utropsteikn er kommentarar programmet ikkje tek omsyn til.

program sylinder
! Rekn ut arealet til ein sylinder.
!
! Declare variables and constants.
implicit none ! Krever at det blir spurt etter alle variablar, ein Fortran 90-eigenskap.
integer            :: ierr
real               :: radius,height,area
real   , parameter :: pi = 3.14159
do
   ! Spør brukaren om radius og høgde, og les dei inn.
   write (*,*) "Tast inn radius og hoegde, 'q' for aa avslutte."
   read (*,*,iostat=ierr) radius,height
   ! 
   ! If radius and height could not be read from input, terminate program.
   if (ierr /= 0) stop "ending program"
   !
   ! Rekn ut arealet. ** tyder "opphøg i eksponent".
   area = 2*pi*(radius**2 + radius*height)
   !
   ! Vis innvariablane (radius, height) og resultatet (area) på skjermen.
   write (*,"(1x,'radius=',f6.2,5x,'height=',f6.2,5x,'area=',f6.2)") radius,height,area
end do
end program sylinder

Programmeringsspråk
ABC \| Ada \| AFL \| Agora \| ALGOL \| APL \| Assembler \| awk \| B \| BASIC \| BETA \| BLISS \| C \| C++ \| C# \| Caml \| Cobol \| Concurrent C \| CSP \| D \| Delphi \| Erlang \| Forth \| Fortran \| Haskell \| HyperTalk \| Icon\| INTERCAL \| Java \| Lisp \| Miranda \| ML \| Modula \| NIAL \| Objektorientert C \| occam \| OCaml \| O'Haskell \| Pascal \| Perl \| PHP \| Pike \| PL/I \| Plankalkül \| Prolog \| Portal \| R \| Ruby \| Scheme \| Simula \| Sina \| Sisa \| Smalltalk \| SML \| SNOBOL \| Visual Basic

Programmeringsspråk