Gerd-Liv Valla
Frå Wikipedia – det frie oppslagsverket
Gerd-Liv Valla (fødd 25. januar 1948) var leiar for Landsorganisasjonen (LO) frå 2001 til 2007. Ho gjekk av etter ei sak om arbeidsmiljø i LO og påstander om at ho mobba nære medarbeidarar. I 1997 var ho statsråd og sjef for Justis- og politidepartementet i regjeringa til Thorbjørn Jagland.
[endre] Bakgrunn, utdanning og yrke
Valla er frå Korgen i Nordland. Ho har hovudfag i statsvitskap, med mellomfag i sosialantropologi mellomfag og grunnfag i offentleg rett. Ho tok pedagogisk seminar i 1979, og vart cand. polit. ved Universitetet i Oslo i 1977. I sju år var ho gift med historikaren Harald Berntsen.
Valla var som student med i Kommunistisk Universitetslag (KUL), ei gruppe med basis i Filosofisk Institutt på Blindern. Grupperinga samarbeidde med Kommunistisk Arbeidarforbund (KA) og vart etterkvart KAs studentorganisasjon. Ho var aktiv studentpolitikar og leiar i Norsk Studentunion 1974-75.
Ho har arbeid både i fagrørsla og som førstekonsulent og kontorsjef i Norges Allmenvitenskapelige Forskningsråd, samt som høgskolelektor ved Eik Lærerhøyskole i Tønsberg.
Valla hadde som LO-leiar ei rad styreverv, deriblant styreleiar i A-pressa og i Fafo. Ho er også medlem av sentralstyret i Arbeidarpartiet.
[endre] Tidlegare politisk karrière
Ho var politisk rådgjevar ved Statsministerens kontor frå 1990 til 1992, og deretter statssekretær same stad fram til 1994, under statsminister Gro Harlem Brundtland. Frå 1994 til 1997 var ho forbundsnestleiar i Norsk Tenestemannslag (NTL).
Ho etterfølgte Anne Holt som statsråd i Justis- og politidepartementet i 1997, men regjeringa gjekk av etter valet same år. Ho var nestleiar i LO frå 1997 fram til ho i 2001 vart valt som ny leiar etter Yngve Hågensen. Valla er LOs første kvinnelege leiar.
[endre] Kjelde
- Teksten er omsett frå wikipedia på riksmål/bokmål
